ଲାଞ୍ଜିଗଡ଼: ବିଶ୍ୱନାଥପୁର ଦକ୍ଷିଣ ବନାଞ୍ଚଳ ମୂଷାନାଳ ସେକ୍ସନ କାର୍ଯ୍ୟାଳୟଠାରେ ଫରେଷ୍ଟର ଚିନ୍ତାମଣି ମାଝୀଙ୍କ ଅଧ୍ୟକ୍ଷତାରେ ଛତୁଚାଷ ନିମନ୍ତେ ତାଲିମ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ୫ଟି ଭିଏସଏସର ୧୦୦ ଜଣରୁ ଊର୍ଦ୍ଧ୍ବ ମହିଳାଙ୍କୁ ସ୍ୱାବଲମ୍ୱୀ ହେବା ନିମନ୍ତେ ଛତୁ ଚାଷ ପାଇଁ ଦିନିକିଆ ତାଲିମ ପ୍ରଦାନ କରାଯାଇଛି। ପ୍ରଶିକ୍ଷକ ଭାବେ ଉମାକାନ୍ତ ମହାନ୍ତି ଛତୁ ଚାଷ ନିମନ୍ତେ ଉପସ୍ଥିତ ମହିଳାମାନଙ୍କୁ ପ୍ରାଞ୍ଜଳ ଭାବରେ ତାଲିମ ପ୍ରଦାନ କରିଥିଲେ। ଏହି ତାଲିମରେ ଛତୁ ଚାଷର ଉପକାରିତା ବୁଝିବା ପରେ ମହିଳାମାନେ ଛତୁ ଚାଷ କରିବା ପାଇଁ ଖୁସି ବ୍ୟକ୍ତ କରିଥିଲେ। ଛତୁ ଚାଷ କରି ନିହାତି ଭାବେ ମହିଳାମାନଙ୍କୁ ରୋଜଗାର ଯୋଗାଇ ଦେବା ସହିତ ଆର୍ଥିକ ସ୍ୱାବଲମ୍ବୀ ହେବେ ବୋଲି ଏସିଏଫ ନରୋତ୍ତମ ମାଝୀ ମତ ପ୍ରକାଶ କରିଥିଲେ। ଆମ ଜଙ୍ଗଲ ଯୋଜନା ଟିମ୍ ଲିଡର ନିରାକାର ଦାସ, ଅମୀୟ ତ୍ରିପାଠୀ ଡି.ଓ ଉଦିତ ନାଏକ, ସନ୍ତୋଷ କୁମାର ମାଝୀ, ତୁଲାରାମ ନିଆଳଙ୍କ ସମେତ ପାଇକବୋରି, କନ୍ଧବୋରି, ସୋରଗୁଡ଼ା, ତଳଦମାଘାଟି, ଗୋଇଚର୍ଚ୍ଚା ଓ ଭିଏସଏସର ୧୦୦ରୁ ଊର୍ଦ୍ଧ୍ବ ମହିଳା ଯୋଗ ଦେଇଥିଲେ।
Popular Categories
Previous article
Next article