ଦୁନିଆର ଶ୍ରେଷ୍ଠ ୩୮ କଫି ତାଲିକାରେ ଭାରତ ୨ୟ ସ୍ଥାନରେ

ନୂଆଦିଲ୍ଲୀ : ସାରା ଦୁନିଆରେ ଏମିତି ଅଧିକାଂଶ ଲୋକେ ରହିଛନ୍ତି, ଯେଉଁମାନଙ୍କ ଦିନର ଆରମ୍ଭ କଫିରୁ ଆରମ୍ଭ ହୋଇଥାଏ। ଏମିତି ଦେଖିବାକୁ ଗଲେ ଅନେକ କଫି ପ୍ରେମୀ ରହିଛନ୍ତି, ଯେଉଁମାନେ ନିଜ ପସନ୍ଦ ଅନୁଯାୟୀ, ବିଭିନ୍ନ ପ୍ରକାର କଫି ପିଇଥାଆନ୍ତି। କଫି ପ୍ରେମୀ ଜାଣି କରି ଖୁସି ହେବେ ସେମାନଙ୍କ ପ୍ରିୟ କଫି ଭାରତର ଫିଲଟର କଫି ,୩୮ଟି ଶ୍ରେଷ୍ଠ କଫି ତାଲିକାରେ ୨ୟ ସ୍ଥାନରେ ରହିଛି।
ଟେଷ୍ଟ ଏଟଲସ  (Taste Atlas) ଦୁନିଆର ସବୁଠାରୁ ପ୍ରସିଦ୍ଧ କଫିର ତାଲିକା ଜାରି କରିଛି। ବିଶେଷ କଥା ହେଉଛି ଏଥିରେ ଭାରତର ଫିଲଟର (Indian Filter Coffee) କଫି ମଧ୍ୟ ସାମିଲ ରହିଛି। ଯାହାକୁ ସାଉଥ୍‌‌ ଇଣ୍ଡିଆନ୍‌‌ କଫି ମଧ୍ୟ କୁହାଯାଉଛି। ଏହି ତାଲିକାରେ ପ୍ରଥମ ସ୍ଥାନରେ କ୍ୟୁବା ରହିଛି। ୨ୟ ସ୍ଥାନରେ ଭାରତ ରହିଛି।

ଏମିତି ତିଆରି ହୁଏ ଫିଲଟର କଫି..
ଏହାକୁ ପ୍ରସ୍ତୁତ କରିବା ପାଇଁ ସର୍ବପ୍ରଥମେ କଫି ପାଉଡରକୁ ଫିଲଟର କଫି ମେକରରେ ପକାଯାଏ। ନିଜ ସ୍ୱାଦ ଅନୁଯାୟୀ, ୧ରୁ ୨ ଚାମଚ କଫି ପକାଯାଏ। ଏହାପରେ ଏକ ପାତ୍ରରେ କ୍ଷୀରକୁ ଗ୍ୟାସରେ ଉଷୁମ କରନ୍ତୁ। ଏହାପରେ ଫିଲଟର କଫି ମେକରର ଉପରି ଭାଗରେ କଫି ପାଉଡର ପକାଇ ବନ୍ଦ କରନ୍ତୁ। କଫି ମେକରର ଶେଷ ଅଂଶରେ କଫି ଆସିବ। ଏଥିରେ ଉଷୁମ କ୍ଷୀର ପକାଇ ଭଲ ଭାବେ ମିଶାଇ ଦିଅନ୍ତୁ। ସ୍ୱାଦ ଅନୁଯାୟୀ ଚିନି ମିଶାନ୍ତୁ। ପ୍ରସ୍ତୁତ ହୋଇଗଲା ଫିଲଟର କଫି।