ବିଜାପୁର: ଛତିଶଗଡ଼ର ଆଦିବାସୀ ବହୁଳ ବିଜାପୁର ଜିଲାର ଏକ ସରକାରୀ ଆବାସିକ ବିଦ୍ୟାଳୟରେ ଅଗ୍ନିକାଣ୍ଡ ଘଟି ଏକ ୪ ବର୍ଷୀୟ ଶିଶୁ କନ୍ୟାର ମୃତ୍ୟୁ ଘଟିଛି। ମୃତ ଶିଶୁର ନାଁ ଲିପାକ୍ଷୀ ବୋଲି ଜଣାପଡ଼ିଛି। ସେ ବିଦ୍ୟାଳୟର ଛାତ୍ରୀ ନଥିଲା ଏବଂ ଗତ କିଛି ଦିନ ହେବ ସେ ସେଠାରେ ପଢୁଥିବା ତା’ର ବଡ଼ ଭଉଣୀ ସହ ରହୁଥିଲା। ଏହି ଅଗ୍ନିକାଣ୍ଡ ବୁଧବାର ରାତିରେ ଘଟିଥିବା ସୂଚନା ରହିଛି।
ସ୍କୁଲ ଶିକ୍ଷା ବିଭାଗର ଜଣେ ଅଧିକାରୀ କହିଛନ୍ତି ଯେ, ବୁଧବାର ବିଳମ୍ବିତ ରାତିରେ ଆୱାପଲ୍ଲୀ ଥାନା ଅନ୍ତର୍ଗତ ଚିନ୍ତାକୋଣ୍ଟା ଗ୍ରାମରେ ବାଳିକାମାନଙ୍କ ପାଇଁ ନିର୍ମିତ ପୋର୍ଟା-କେବିନ ସ୍କୁଲରେ ନିଆଁ ଲାଗିଯାଇଥିଲା। ପୋର୍ଟା କେବିନର କର୍ମଚାରୀ ଓ ସ୍ଥାନୀୟ ଗ୍ରାମବାସୀଙ୍କ ଦ୍ବାରା ସମସ୍ତ ୩୮୦ ଛାତ୍ରୀଙ୍କୁ ସୁରକ୍ଷିତ ଉଦ୍ଧାର କରାଯାଇଥିଲା। ପରେ ଜଣାପଡ଼ିଥିଲା ଯେ, ଜଣେ ଛାତ୍ରୀର ସାନ ଭଉଣୀ ନିଖୋଜ ଅଛି। ପରବର୍ତ୍ତୀ ସମୟରେ ଉକ୍ତ ଶିଶୁର ଅର୍ଦ୍ଧ ଦଗ୍ଧ ମୃତଦେହ ଉଦ୍ଧାର ହୋଇଥିଲା।
Comments are closed.