ଭୁବନେଶ୍ବର: ବେଦୀରୁ ଥାନାକୁ ଗଲା ବର। ହାତଗଣ୍ଠି ବଦଳରେ ପଡ଼ିଲା ହାତକଡ଼ି। ବେଦିରୁ ବରକୁ ଉଠାଇ ନେଲା ଭୁବନେଶ୍ବର ମହିଳା ଥାନା ପୁଲିସ। ଦ୍ବିତୀୟ ବିବାହ କରୁଥିବାବେଳେ ଜଣେ ଯୁବକଙ୍କୁ ଭୁବନେଶ୍ବର ମହିଳା ଥାନା ପୁଲିସ ଉଠାଇ ନେଇଥିଲା। ରାଜଭବନ ଛକ ରାଧାକୃଷ୍ଣ ମନ୍ଦିରରେ ବାହାଘର ଚାଲିଥିଲାବେଳେ ପୁଲିସ ଉଠାଇ ନେଇଥିଲା। ପ୍ରଥମ ପତ୍ନୀଙ୍କ ଅଭିଯୋଗ ପରେ ରାଜଭବନ ଛକ ରାଧାକୃଷ୍ଣ ମନ୍ଦିରରେ ଦ୍ବିତୀୟ ବିବାହ ଚଳାଇଥିବା ବରକୁ ପୁଲିସ ଉଠାଇ ନେଇଥିଲା।
୨୦୦୯ରେ ବିବାହ କରିଥିବା ନେଇ ଭୁବନେଶ୍ବର ମହିଳା ଥାନାରେ ଜଣେ ଯୁବତୀ ପହଞ୍ଚିଥିଲେ। କଲକାତାରେ ୨୦୦୯ରେ ତାଙ୍କର ବିବାହ ହୋଇଛି ବୋଲି କହିବା ସହିତ ଭୁବନେଶ୍ବର ମହିଳା ଥାନାରେ ବିବାହ ପ୍ରମାଣପତ୍ର ମଧ୍ୟ ଦାଖଲ କରିଥିଲେ। ଆଜି ତାଙ୍କ ସ୍ବାମୀଙ୍କ ବିବାହ ରାଜଭବନ ଛକ ରାଧାକୃଷ୍ଣ ମନ୍ଦିରରେ ଚାଲିଥିବା କହିଥିଲେ। ପ୍ରଥମ ପତ୍ନୀଙ୍କ ଅଭିଯୋଗକୁ ଆଧାର କରି ଭୁବନେଶ୍ବର ମହିଳା ଥାନା ପୁଲିସ ରାଧାକୃଷ୍ଣ ମନ୍ଦିରରେ ପହଞ୍ଚି ବରକୁ ବେଦିରୁ ଉଠାଇ ନେଇଥିଲେ। ଏପରିକି ଅଭିଯୋଗ କରିଥିବା ଯୁବତୀଙ୍କୁ ଅଟକ ରଖି ପୁଲିସ ପଚାରଉଚୁରା କରୁଥିବା ପୁଲିସ ସୂଚନା ଦେଇଛି।
