ଭୁବନେଶ୍ୱର- ଅଲଇଣ୍ଡିଆ ରିଜିଓନାଲ୍ ରୁରାଲ ବ୍ୟାଙ୍କ୍ ଏମ୍ପ୍ଲୟୀସ୍ ଆସୋସିଏସନ୍ (ଏ.ଆଇ.ଆର.ଆର.ବି.ଇ.ଏ) ତରଫରୁ ସର୍ବଭାରତୀୟ ସ୍ତରରେ ତା:୨୩/୦୨/୨୪ ରେ ବିଭିନ୍ନ ଦାବିନେଇ ଧର୍ମଘଟ କରାଯାଇଥିଲା । ଆଇ.ଆର.ଆର.ବି.ଇ.ଏ ଆହ୍ଵାନ କ୍ରମେ ଆସୋସିଏସନ୍ ଅଫ ଓଡିଶା ଗ୍ରାମ୍ୟ ବ୍ୟାଙ୍କ ଅଫିସରସ୍ (ଏ.ଓ.ଜି.ବି.ଓ), ଓଡିଶା ଗ୍ରାମ୍ୟ ବ୍ୟାଙ୍କ୍ ଏମ୍ପ୍ଲୟୀସ୍ ଆସୋସିଏସନ୍ (ଓ.ଜି.ବି.ଇ.ଏ)ଏବଂ ଓଡ଼ିଶା ଗ୍ରାମ୍ୟ ବ୍ୟାଙ୍କ ରିଟାୟାର୍ସ ଆସୋସିଏସନ୍ (ଓ.ଜି.ବି.ଆର.ଏ) ଉକ୍ତ ଧର୍ମଘଟକୁ ସଫଳତାର ସହ ଆୟୋଜିତ କରିଥିଲେ । ଉକ୍ତଧର୍ମଘଟରେ ଏ.ଓ.ଜି.ବି.ଓ ତରଫରୁ ବିଭିନ୍ନ ଜାଗାରେ ଦାବି ପୁରଣ ନିମନ୍ତେ ପ୍ରଦର୍ଶନ କରାଯାଇଥିଲା । ଓଡ଼ିଶା ଗ୍ରାମ୍ୟ ବ୍ୟାଙ୍କ ଶାଖା କାର୍ୟ୍ୟାଳୟ ସାମ୍ନାରେ ଏ.ଓ.ଜି.ବି.ଓ ର ଦଳୀୟ ନେତା ଏବଂ ଅନ୍ୟ ସଦସ୍ୟମାନେ ମିଳିତ ଭାବେ ବିଭିନ୍ନ ଦାବି ପୂରଣ ପାଇଁ ସ୍ଲୋଗାନ ଦେଇଥିଲେ । ଉକ୍ତ ଧର୍ମଘଟରେ ଏ.ଓ.ଜି.ବି.ଓ ର ସଭାପତି ଅସିତ୍ ଖଣ୍ଡାଇ, ସାଧାରଣ ସମ୍ପାଦକ ସାଗର ଗୁରୁ, ଚିଫ ଆଡଭାଇଜର ସତ୍ୟବ୍ରତ ନନ୍ଦ, ଓ.ଜି.ବି.ଆର.ଏ ର ସଭାପତି ମନୋଜ ମହାନ୍ତି, ସାଧାରଣ ସମ୍ପାଦକ ବସନ୍ତ ଦାଶ, ଏନ୍.ଏଫ.ଆର.ଆର.ବି.ଓ ର ଜଏଣ୍ଟ ସେକ୍ରେଟାରୀ ମହେଶ୍ୱର ମହାରଣା, ଓ.ଜି.ବି.ଇ.ଏ ର ସଭାପତି ପ୍ରିତମ ପୁହାଣ, ସାଧାରଣ ସମ୍ପାଦକ କୈବଲ୍ୟ ନାୟକ, ସମେତ ଅନ୍ୟ ବରିଷ୍ଠ ନେତା ମାନେ ଉପସ୍ଥିତ ରହି ଦଳର ସଦସ୍ୟମାନଙ୍କୁ ଉତ୍ସାହିତ କରିଥିଲେ । ଶେଷରେ ସମସ୍ତ ଦଳୀୟ ନେତା ଓଡ଼ିଶା ଗ୍ରାମ୍ୟବ୍ୟାଙ୍କର ଅଧ୍ୟକ୍ଷ ଋଷି ସିଂଙ୍କୁ ଭେଟିଥିଲେ ଏବଂ ନଅ ଦଫା ଦାବି ନେଇ ଏକ ସ୍ମାରକ ପତ୍ର ତାଙ୍କୁ ଉପସ୍ଥାପନ କରିଥିଲେ । ଅଧ୍ୟକ୍ଷ ଶ୍ରୀସିଂ ଦଳୀୟ ନେତା ଏବଂ ସମସ୍ତ ସଦସ୍ୟଙ୍କ ମତକୁ ଶୁଣିଥିଲେ ଏବଂ ଆସୋସିଏସନ୍ ର ସମସ୍ତ ଦାବିକୁ ଭାରତ ସରକାରଙ୍କ ଆର୍ଥିକ ସେବା ବିଭାଗ (ଡି.ଏଫ୍.ଏସ) ସାମ୍ନାରେ ଉପସ୍ଥାପନ କରିବେ ବୋଲି ଆଶ୍ଵାସନାଦେଇଥିଲେ ।
Popular Categories
Previous article
Next article