ଗଜପତି : ଗଜପତି ଜିଲା ଅଡବା ଥାନା ଅନ୍ତର୍ଗତ ହରଭଙ୍ଗୀ ନଦୀରୁ ଜଣେ ଯୁବକର ମୃତଦେହ ଉଦ୍ଧାର କରାଯାଇଛି। ଖବରଅନୁସାରେ ସ୍ଥାନୀୟ ଅଞ୍ଚଳର କିଛି ଲୋକ ନଦୀକୁ ଗଧୋଇବାକୁ ଯାଇଥିଲାବଳେ ଯୁବକର ମୃତଦେହ ଦେଖି ସଙ୍ଗେ ସଙ୍ଗେ ଅଡବା ଥାନାକୁ ଖବର ଦେଇଥିଲେ। ଖବରପାଇ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଶବକୁ ଉଦ୍ଧାର କରିଥିଲେ। ମୃତଦେହ ଦୁଇ ତିନି ଦିନର ଅନୁମାନ କରାଯାଉଥିବା ଅଡବା ଥାନା ଅଧିକାରୀ ମୁକେଶ ଲାକ୍ରା କହିଛନ୍ତି। ଶବଟି ସମ୍ପୂର୍ଣ୍ଣରୂପେ ଫୁଲିଯାଇଥିବାରୁ ଶବର ପରିଚୟ ମିଳିବାରେ ଅସୁବିଧା ହେଉଛି। ଶବକୁ ବ୍ୟବଛେଦ ପାଇଁ ବ୍ରହ୍ମପୁର ପଠାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି।
