ପିପିଲି: ସମଗ୍ର ଶିକ୍ଷା, ପୁରୀଙ୍କ ନିର୍ଦ୍ଦେଶ କ୍ରମେ ପିପିଲି ବ୍ଲକ ଗୋବିନ୍ଦପୁର କ୍ଳଷ୍ଟର ଅନ୍ତର୍ଗତ ସମସ୍ତ ସରକାରୀ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟରେ ଦ୍ୱିତୀୟ ପର୍ଯ୍ୟାୟ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ସପ୍ତାହ ଶନିବାର ଉଦ୍ଯାପିତ ହୋଇଯାଇଛି। ଗୋବିନ୍ଦପୁର କ୍ଲଷ୍ଟର ସିଆର୍ସିସି ଚିନ୍ତାମଣୀ ଓଝାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସାକ୍ଷରତା, ସଂଖ୍ୟା ଜ୍ଞାନ, ଗପ କହିବା ଆଦି ବିଷୟରେ ଦୁଇ ଦିନ ଲେଖାଏଁ ଶିକ୍ଷକ ଶିକ୍ଷୟିତ୍ରୀମାନେ ଆକର୍ଷଣୀୟ ଓ ଅଭିନବ ଶିକ୍ଷଣ ସାମଗ୍ରୀ ବ୍ୟବହାର କରି ଖେଳ ପଦ୍ଧତିରେ ଶିକ୍ଷାଦାନ କରାଇଥିଲେ। ଏଫଏଲ୍ଏନ୍ ଶ୍ରେଣୀର ଛାତ୍ରଛାତ୍ରୀମାନଙ୍କୁ ଛୋଟ ଛୋଟ ଦଳରେ ବିଭକ୍ତ କରି ପ୍ରତ୍ୟେକ ଦଳକୁ ପର୍ଯ୍ୟାପ୍ତ ଶିକ୍ଷଣ ସାମଗ୍ରୀ ଦେଇ ଖେଳ ଓ ଅଭିନୟ ମାଧ୍ୟମରେ ଶିକ୍ଷାଦାନ କରିବା ଦ୍ୱାରା ପାଠପଢ଼ା ଆନନ୍ଦଦାୟକ ହେବା ସହ ପାଠ ପ୍ରତି ସେମାନଙ୍କ ଆଗ୍ରହ ବୃଦ୍ଧି ପାଉଥିବାର ଦେଖିବାକୁ ମିଳିଥିଲା।
Comments are closed.