ନୂଆଦିଲ୍ଲୀ : ମୋଟରସାଇକେଲ ଭଳି ହ୍ବିଲଚେୟାରରେ ଅର୍ଡର ପହଞ୍ଚାଉଥିବା ଜଣେ ଜୋମାଟୋ ପ୍ରତିନିଧିଙ୍କ ଫଟୋ ଇଣ୍ଟରନେଟରେ ସମସ୍ତଙ୍କ ଧ୍ୟାନ ଆକର୍ଷିତ କରୁଛି । ନାରାୟଣ କନ୍ନନ ନାମକ ଜଣେ ବ୍ୟକ୍ତିଙ୍କ ଆକାଉଣ୍ଟରୁ ଏହି ପୋଷ୍ଟ କରାଯାଇଛି । ଭାଇରାଲ ହେଉଥିବା ଏହି ଫଟୋ ସମସ୍ତଙ୍କ ହୃଦୟ ଜିତୁଛି । ଏପରିକି ସିଇଓ ଦିପିନ୍ଦର ଗୋଏଲ ମଧ୍ୟ ଫଟୋକୁ ପୁଣି ଥରେ ପୋଷ୍ଟ କରିଛନ୍ତି । ଫଟୋରେ ଜଣେ ଦିବ୍ୟାଙ୍ଗ ଡେଲିଭରୀ ପ୍ରତିନିଧି ଏକ ସ୍ବତନ୍ତ୍ର ହ୍ବିଲଚେୟାର ବାଇକରେ ହସ ହସ ମୁହଁରେ ବସିଥିବା ନଜର ଆସୁଛନ୍ତି ।
Dear @zomato & @deepigoyal
More of this please.
Best thing I’ve seen in a very long time from your company.
Despite the errant drivers who have made life hell on the roads this is a special moment.
This is as inclusive as it gets. His story is fascinating.
Bravo! pic.twitter.com/MjjSNUpxhm
— NK (@NaraayanKannan) February 19, 2024
ଫଟୋ ସହିତ କ୍ୟାପ୍ସନରେ ଲେଖା ହୋଇଛି କି, ପ୍ରିୟ ଜୋମାଟୋ ଏବଂ ଦିପିନ୍ଦର ଗୋଏଲ, ଦୟାକରି ଏ ସମ୍ପର୍କରେ ଅଧିକ ଜଣାନ୍ତୁ । ତାଙ୍କ କାହାଣୀ ଆକର୍ଷକ ଲାଗୁଛି । ପୋଷ୍ଟ କରାଯିବା ପରେ ଫଟୋକୁ ଏକ୍ସରେ ୧୭ ହଜାର ଥର ଦେଖାଯାଇଛି ଏବଂ ଇଣ୍ଟରନେଟରେ ଲୋକଙ୍କ ଅନେକ ପ୍ରତିକ୍ରିୟା ମିଳିଛି । ଗତ ବର୍ଷ ଗୋଏଲ ଘୋଷଣା କରିଥିଲେ କି ଜୋମାଟୋ ନିୟୋମୋଶନ ସହିତ ଚୁକ୍ତି କରିଛି । ଗୋଏଲ ଏକ୍ସରେ ଲେଖିଛନ୍ତି ପ୍ରତି ସ୍ବତନ୍ତ୍ର ଡେଲିଭରୀ ଗାଡିକୁ ଡେଲିଭରି ପ୍ରତିନିଧିଙ୍କ ଅନୁସାରେ ତାଙ୍କ ସୁବିଧା ପାଇଁ ପ୍ରସ୍ତୁତ କରାଯାଇଛି । ଏହା ସେମାନଙ୍କ ପାଇଁ ଅଧିକ ଆରାମଦାୟକ ଏବଂ ଗତିଶୀଳ ହୋଇପାରିଛି । ଏହା ସହିତ ଏହି ସ୍ବତନ୍ତ୍ର ଗାଡିଗୁଡିକ ଇଲେକ୍ଟ୍ରିକ ଏବଂ ପରିବେଶ ଅନୁକୂଳ ମଧ୍ୟ ।
Comments are closed.