ଭବାନୀପାଟଣା : ଆମପାଣି ଥାନା ଅନ୍ତର୍ଗତ ଭୂର୍ଷାଗୁଡ଼ା ନିକଟରେ ଏକ ଡିଭାଇଡ଼ରରେ ପିଟି ହୋଇ ଏକ ବାଇକ ଦୁର୍ଘଟଣାଗ୍ରସ୍ତ ହୋଇଛି । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ଆହତ ହେଇଛନ୍ତି । ଆହତଙ୍କୁ ସଙ୍କଟାପନ୍ନ ଅବସ୍ଥାରେ ପ୍ରଥମେ କୋକସରା ଡାକ୍ତରଖାନା ଏବଂ ପରେ ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ମୃତକ ଅରେବେଡ଼ା ଗାଁର ଲିଙ୍ଗରାଜ ମାଝୀ ଏବଂ ଗୁରୁତର ଜଣକ ପୋଢ଼ବେଡା ଗାଁର ତୁଲାରାମ ପୁଝାରି ବୋଲି ଜଣାପଡିଛି । ଉଭୟେ କୋକସରା ବ୍ଲକ ଡୁଡୁକାଠେଙ୍ଗା ଗାଁର ସମ୍ପର୍କୀୟଙ୍କ ବିବାହରେ ଯୋଗ ଦେଇ ନିଜ ଗାଁକୁ ଫେରୁଥିଲେ । ଖବର ପାଇ ଆମପାଣି ପୁଲିସ ଘଟଣାସ୍ଥଳରେ ପହଞ୍ଚି ବାଇକକୁ ଜବତ କରି ଘଟଣାର ତଦନ୍ତ କରୁଛି ।
Comments are closed.