ଭୁବନେଶ୍ୱର- ଆସୋସିଏସନ ଅଫ ଓଡିଶା ଗ୍ରାମ୍ୟ ବ୍ୟାଙ୍କ ଅଫିସର୍ସ ବିଭିନ୍ନ ଦାବି ନେଇ ଧର୍ମଘଟ କରିବେ । ଅଲ ଇଣ୍ଡିଆ ରିଜିଓନାଲ ରୁରାଲ ବ୍ୟାଙ୍କ ଏମ୍ପ୍ଲଇଜ ଆସୋସିଏସନର ଆହ୍ୱାନକ୍ରମେ ସମସ୍ତ ଗ୍ରାମ୍ୟ ବ୍ୟାଙ୍କର ଅଫିସର୍ସ, ଏମ୍ପ୍ଲଇଜ ଆସୋସିଏସନ ଅଫ ଓଡିଶା ,ଗ୍ରାମ୍ୟ ବ୍ୟାଙ୍କ ଅଫିସର୍ସ ଏବଂ ରିଟାଇରୀଜ ଆସୋସିଏସନ ଏହି ଧର୍ମଘଟରେ ଯୋଗ ଦେବେ ।
ବିଭିନ୍ନ ଦାବି ଯଥା ୩୦,୦୦୦ ଖାଲି ପଦବୀର ତୁରନ୍ତ ନିଯୁକ୍ତି କରଣ, ଗ୍ରାମ୍ୟ ବ୍ୟାଙ୍କର ଘରୋଇ କରଣକୁ ବିରୋଧ, ସ୍ୱତନ୍ତ୍ର ନ୍ୟାସନାଲ ରୁରାଲ ବ୍ୟାଙ୍କ ଅଫ ଇଣ୍ଡିଆର ଗଠନ, ପଦୋନ୍ନତି ପ୍ରକ୍ରିୟାରେ ସଂଶୋଧନ, କମ୍ପ୍ୟୁଟର ଇନକ୍ରିମେଣ୍ଟକୁ ତୁରନ୍ତ ଲାଗୁ କରାଯିବା, ଅନୁକମ୍ପା ମୂଳକ ନିଯୁକ୍ତିକୁ ତୁରନ୍ତ ଲାଗୁ କରାଯିବା, ଅସ୍ଥାୟୀ କର୍ମଚାରୀଙ୍କ ସ୍ଥାୟୀ ନିଯୁକ୍ତି କରଣ ଏବଂ ଦୀର୍ଘ ଦିନର ବକେୟା ଥିବା ଅନ୍ୟାନ୍ୟ ଦାବି ପୁରଣକୁ ନେଇ ଦୁଇଟି ପର୍ଯ୍ୟାୟରେ ସର୍ବଭାରତୀୟ ସ୍ତରରେ ଅଲ ଇଣ୍ଡିଆ ରିଜିଓନାଲ ରୁରାଲ ବ୍ୟାଙ୍କ ଏମ୍ପ୍ଲଇଜ ଆସୋସିଏସନ ତରଫରୁ ଧର୍ମଘଟ କରାଯିବ ।
ଉକ୍ତ ଧର୍ମଘଟ ଯୋଗୁଁ ଗ୍ରାହକ ମାନଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିବ, ସେଥିଲାଗି ଆସୋସିଏସନ ଅଫ ଓଡିଶା ଗ୍ରାମ୍ୟ ବ୍ୟାଙ୍କ ଅଫିସର୍ସ ତରଫରୁ ଦୁଃଖ ପ୍ରକାଶ କରାଯାଇଛି । ଆସୋସିଏସନର ସାଧାରଣ ସମ୍ପାଦକ ଏବଂ ସଭାପତି ଉକ୍ତ ଧର୍ମଘଟ କୁ ଫଳପ୍ରଦ କରିବା ନିମନ୍ତେ ଏଓଜିବିଓ ର ସମସ୍ତ ସଦସ୍ୟଙ୍କୁ ଆହ୍ୱାନ ଦେଇଛନ୍ତି ।
