ଡେସ୍କ: ବ୍ୟବସାୟୀମାନେ ସର୍ବଦା ସେମାନଙ୍କ ବ୍ୟବସାୟକୁ ବିସ୍ତାର କରିବା ଏବଂ ଲାଭ ପାଇବା ପାଇଁ ବିଭିନ୍ନ ଉପାୟ ଖୋଜନ୍ତି, କିନ୍ତୁ ବେଳେବେଳେ ସମସ୍ତ କୌଶଳ ଆପଣେଇବା ପରେ ମଧ୍ୟ ସେମାନେ ବ୍ୟବସାୟରେ ଲାଭ ପାଇବାରେ ସକ୍ଷମ ହୁଅନ୍ତି ନାହିଁ। ତେବେ ଏକଥା ଜାରି ରଖିବା ଉଚିତ ଯେ, ବ୍ୟବସାୟରେ ବାସ୍ତୁଶାସ୍ତ୍ରର ମଧ୍ୟ ବହୁତ ବଡ଼ ଭୂମିକା ରହିଛି। ବାସ୍ତୁଶାସ୍ତ୍ରର ନିୟମ ପାଳନ କଲେ, ବ୍ୟବସାୟରେ ଲାଭକୁ କେହି ଅଟକାଇ ପାରିବେନାହିଁ।
ଏହି ଦିଗରେ ନିର୍ମାଣ କରନ୍ତୁ କାର୍ଯ୍ୟାଳୟ:
କାର୍ଯ୍ୟାଳୟ ପାଇଁ ସର୍ବୋତ୍ତମ ଦିଗ ହେଉଛି, ଉତ୍ତର, ଉତ୍ତର-ପୂର୍ବ ଓ ଦକ୍ଷିଣ-ପଶ୍ଚିମ। ଏହି ଦିଗରେ କାର୍ଯ୍ୟାଳୟର ମୁଖ୍ୟ ଦ୍ୱାର ନିର୍ମାଣ କରିବା ଦ୍ବାରା ବ୍ୟବସାୟରେ ଅଗ୍ରଗତି ହୋଇଥାଏ। ଏହା ଆପଣଙ୍କ ପ୍ରଗତି, ସୁଖ ଏବଂ ଶାନ୍ତି ସହିତ ସକରାତ୍ମକ ଶକ୍ତି ଆଣିଥାଏ।
ଆକାଉଣ୍ଟ ସେକ୍ସନ ପ୍ରତି ଧ୍ୟାନ ଦିଅନ୍ତୁ:
ଆପଣଙ୍କର ବ୍ୟବସାୟ ବଡ଼ ହେଉ କିମ୍ବା ଛୋଟ, ଆପଣ ସବୁବେଳେ ଆକାଉଣ୍ଟ ସେକ୍ସନ ପ୍ରତି ବିଶେଷ ଧ୍ୟାନ ଦେବା ଉଚିତ୍। ଯେଉଁଠାରେ ଆପଣ କମ୍ପାନୀର ବିଲ୍, ବିଲିଂ ରେଜିଷ୍ଟର ଭଳି ଜିନିଷ ରଖନ୍ତି, ସେହି ସ୍ଥାନରେ ଆପଣଙ୍କୁ ସ୍ୱଚ୍ଛତା ବଜାୟ ରଖିବା ଉଚିତ୍। ଏଠାରେ ଭୁଲ୍ରେ ବି ଉଇ, ମୂଷା କିମ୍ବା ଧୂଳିମଳି ରହିବା ଉଚିତ୍ ନୁହେଁ।
କାର୍ଯ୍ୟସ୍ଥଳକୁ ପରିଷ୍କାର ଏବଂ ସୁସଜ୍ଜିତ କରି ରଖନ୍ତୁ:
କାର୍ଯ୍ୟସ୍ଥଳକୁ ମଧ୍ୟ ସଫା ରଖିବା ଉଚିତ୍। ଯଦି ଆପଣଙ୍କ କାର୍ଯ୍ୟସ୍ଥଳରେ ସର୍ବଦା କାଗଜ ଖଣ୍ଡ ପଡ଼ିରହେ, ତେବେ ଆପଣଙ୍କ ବ୍ୟବସାୟ କ୍ଷତିଗ୍ରସ୍ତ ହୋଇପାରେ। ସର୍ବଦା ଆପଣଙ୍କ କାର୍ଯ୍ୟସ୍ଥଳକୁ ପରିଷ୍କାର ରଖନ୍ତୁ ଏବଂ ଜିନିଷଗୁଡ଼ିକ କାର୍ଯ୍ୟସ୍ଥଳରେ ଏଣେତେଣେ ଖେଳାଇ ପକାନ୍ତୁ ନାହିଁ। ଆପଣଙ୍କ କମ୍ପାନୀର ଲୋକମାନଙ୍କୁ ସର୍ବଦା ସେମାନଙ୍କର କାର୍ଯ୍ୟସ୍ଥଳକୁ ସଫା ରଖିବାକୁ କୁହନ୍ତୁ।
ରିସେପ୍ସନକୁ ନିଆରା ଉପାୟରେ ସଜାନ୍ତୁ:
ବାସ୍ତୁ ଶାସ୍ତ୍ରରେ ରିସେପ୍ସନକୁ ମୁଖ୍ୟ ଦ୍ୱାର ଭାବେ ବିବେଚନା କରାଯାଏ, ତେଣୁ ଏଥି ପ୍ରତି ଧ୍ୟାନ ଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆପଣ ରିସେପ୍ସନରେ ଏଠାକୁ ଆସୁଥିବା ଲୋକଙ୍କୁ ଭେଟନ୍ତି, ତେଣୁ ଏହି ସ୍ଥାନଟି ବେଶ୍ ସ୍ୱତନ୍ତ୍ର। ରିସେପ୍ସନ୍ ପାଇଁ ପୂର୍ବ ଏବଂ ଉତ୍ତର-ପୂର୍ବ ଦିଗ ସର୍ବୋତ୍ତମ ହୋଇଥାଏ। ରିସେପ୍ସନରୁ ପୁରୁଣା ଜିନିଷଗୁଡ଼ିକ ହଟାଇ ଏଠାରେ ଚକଚକିଆ ଏବଂ ପରିଷ୍କାର ଜିନିଷ ରଖିବା ଉଚିତ। ବିଶେଷକରି ଏଠାକାର ଆଲୋକ ବ୍ୟବସ୍ଥା ପ୍ରତି ଖାସ୍ ଧ୍ୟାନ ଦିଅନ୍ତୁ। ଏହି ସ୍ଥାନରେ ଆଦୌ ଅନ୍ଧାର ରହିବା ଉଚିତ୍ ନୁହେଁ।
କାର୍ଯ୍ୟାଳୟକୁ ସକରାତ୍ମକ ରଖିବା ପାଇଁ ରଖନ୍ତୁ ଏହି ଜିନିଷ:
ନିଜ କାର୍ଯ୍ୟାଳୟର ବାସ୍ତୁଦୋଷ ଦୂର କରିବା ପାଇଁ ଆପଣଙ୍କୁ ଅଫିସରେ ଏପରି କିଛି ଜିନିଷ ରଖିବା ଆବଶ୍ୟକ, ଯାହା ଦ୍ବାରା ସକରାତ୍ମକ ଶକ୍ତି ଆସିବ। ଆପଣଙ୍କ ଅଫିସରେ କ୍ରିଷ୍ଟାଲ, ଯନ୍ତ୍ର, ଫ୍ୟାନ୍ସି ଲାଇଟ୍, ଇନଡୋର ପ୍ଲାଣ୍ଟ ରଖିବା ଜରୁରୀ। ଆପଣଙ୍କ ଅଫିସରେ କଦାପି ଅନ୍ଧକାର ରହିବା ଉଚିତ୍ ନୁହେଁ।
Comments are closed.