ହରଭଙ୍ଗା : ହରଭଙ୍ଗା ବ୍ଲକ ଆଡ଼େଣିଗଡ଼ ପଞ୍ଚାୟତର ଦୁର୍ଗମ ଅଞ୍ଚଳଭାବେ ଜଣାଶୁଣା କାଚପାଜୁ ଗାଁରେ ବୌଦ୍ଧ ଜିଲାପାଳ ଜେ. ସୋନାଲ ଏବଂ ବୌଦ୍ଧ ଏସ. ପି ରାଜପ୍ରସାଦଙ୍କ ସହିତ ପରିଦର୍ଶନ ପାଇଁ ପହଁଚିଥିଲେ। କାଚପାଜୁ ସରକାରୀ ସ୍କୁଲ ପରିଦର୍ଶନ କରିବା ସହିତ ଲୋକଙ୍କ ବିଭିନ୍ନ ସମସ୍ୟା କଥା ପଚାରି ବୁଝିଥିଲେ। ଉକ୍ତ ସ୍କୁଲରେ ଆସନ୍ତା ସାଧାରଣ ନିର୍ବାଚନ ପାଇଁ ମତଦାନ କେନ୍ଦ୍ର ହେଵାକୁ ଥିବାରୁ ବୁଥ ପାଇଁ ଆନୁସାଙ୍ଗିକ ସୁବିଧା ରହିଛି କି ନାହିଁ ତାର ଯାଞ୍ଚ କରିଥିଲେ।
ସୂଚନା ଥାଉ କି ସ୍ୱାଧୀନତାର ବହୁ ବର୍ଷ ପରେ ମଧ୍ୟ ଦୁର୍ଗମ କଣ୍ଡରା, କାଚପାଜୁ ଗ୍ରାମକୁ ପାଦଚଲା ରାସ୍ତା ଖଣ୍ଡିଏ ନଥିବାରୁ ଲୋକେ ଗତ ତ୍ରିସ୍ତରୀୟ ପଂଚାୟତ ନିର୍ବାଚନରେ ଭୋଟ ବର୍ଜନ କରିଥିଲେ।ସରକାରଙ୍କ ମାଳ ମାଳ ଯୋଜନା ସତ୍ୱେ ଅପହଞ୍ଚ ଇଲାକାରେ ବିକାଶର ସୂର୍ଯ୍ୟୋଲୋକ ନପଡିବା ଘଟଣା ଏହି ଅଞ୍ଚଳର ଅଧିବାସୀଙ୍କ ମନରେ ଅସନ୍ତୋଷର କାରଣ ପାଲଟିଛି। ନୂତନ ଜିଲାପାଳଙ୍କ ଗସ୍ତ ପରେ ସେଠାରେ ବିକାଶର ସୂର୍ଯ୍ୟୋଦୟ କେବେ ଘଟୁଛି ତାକୁ ନେଇ ଦୁର୍ଗମବାସୀ ଅପେକ୍ଷା କରିଛନ୍ତି। ରାସ୍ତା ସମସ୍ୟା ଦୂର ନହେଲେ ଏଥର ମଧ୍ୟ ଅଞ୍ଚଳବାସୀ ଭୋଟ ବର୍ଜନ ପାଇଁ ସଜବାଜ ହେଉଥିବା ଶୁଣିବାକୁ ମିଳୁଛି।
Comments are closed.