ୟାଙ୍ଗନ: ମ୍ୟାଁମାରରେ କ୍ଷମତାସୀନ ଜୁନ୍ତା ସରକାରଙ୍କ ପକ୍ଷରୁ ସେନାରେ କାର୍ଯ୍ୟରତ ୩ ଜଣ ବ୍ରିଗେଡିୟର ପାହ୍ୟା ଅଧିକାରୀଙ୍କୁ ମୃତ୍ୟୁଦଣ୍ଡାଦେଶ ପ୍ରଦାନ କରାଯାଇଛି। ଗତ ମାସରେ ମ୍ୟାଁମାରର ଉତ୍ତର ଦିଗରେ ଅବସ୍ଥିତ ଲାଉକାଇ ସହରରେ ଶତାଧିକ ସୈନ୍ୟଙ୍କ ସହ ଏହି ତିନିଜଣ ବ୍ରିଗେଡିୟର ବିଦ୍ରୋହୀ(ଥ୍ରୀ ବ୍ରଦରହୁଡ୍ ଆଲାଏନ୍ସ)ଙ୍କ ନିକଟରେ ଆତ୍ମସର୍ମପଣ କରିଥିବାବେଳେ ଲାଉକାଇ ସହରକୁ ସେମାନଙ୍କ କବ୍ଜାରେ ଛାଡିଦେଇଥିବା ଅଭିଯୋଗ ହୋଇଛି। ଆତ୍ମସମର୍ପଣ ପରେ ହିଁ ବିଦ୍ରୋହୀଙ୍କ କବଳରୁ ସେମାନେ ମୁକ୍ତି ପାଇଥିଲେ। ମ୍ୟାଁମାର ସାମରିକ ଶାସନ ଇତିହାସରେ ଏହା ସବୁଠାରୁ ଲଜ୍ଜାଜନକ ଘଟଣା ବୋଲି କୁହାଯାଇଛି। ଆତ୍ମସମର୍ପଣ ସମୟରେ ସବୁ ସୈନ୍ୟ ଓ ତିନି ବ୍ରିଗେଡିୟର ସେନା ପୋଷାକ ପିନ୍ଧିଥିଲେ। ମ୍ୟାଁମାରରେ ପ୍ରଚଳିତ ନିୟମ ଅନୁଯାୟୀ ସରକାରଙ୍କ ବିନା ଅନୁମତିରେ କୌଣସି ସେନା ଅଧିକାରୀ ଶିବିର ଛାଡି ଯାଇପାରିବେନି। ଏଥିରେ ବ୍ୟତିକ୍ରମ ଘଟିଲେ ମୃତ୍ୟୁଦଣ୍ଡର ବ୍ୟବସ୍ଥା ରହିଛି।
Popular Categories
Previous article
Next article