ସେମିଫାଇନାଲରେ ଏହି ୩ଭାରତୀୟ ଖେଳାଳୀଙ୍କ ଉପରେ ନଜର, ଦମଦାର ପ୍ରଦର୍ଶନ କରି ମ୍ୟାଚ ଜିତାଇପାରନ୍ତି

ନୂଆଦିଲ୍ଲୀ: ୧୯ବର୍ଷରୁ କମ୍‍ କ୍ରିକେଟ ବିଶ୍ୱକପରେ ମଙ୍ଗଳବାର ପ୍ରଥମ ସେମିଫାଇନାଲ ମ୍ୟାଚ ଖେଳାଯିବ। ବେନୋନିରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ସେମିଫାଇନାଲ ମ୍ୟାଚ ହେବାକୁ ଯାଉଛି। ଉଭୟ ଦଳ ପାଇଁ ଏହି ମ୍ୟାଚ ବେଶ ଗୁରୁତ୍ୱବହନ କରୁଛି। ଉଭୟ ଟିମର ଖେଳାଳୀ ମାନେ ଏହି ମ୍ୟାଚ ଜିତିବାକୁ ଜୋରଦାର ରଣନୀତି ପ୍ରସ୍ତୁତ କରିଛନ୍ତି।

ଉଦୟ ସହରନଙ୍କ ଅଧିନାୟକତ୍ୱରେ ଭାରତୀୟ ଦଳ ଦମଦାର ପ୍ରଦର୍ଶନ କରି ଅପରାଜିତ ରହି ସେମିଫାଇନାଲରେ ପ୍ରବେଶ କରିଛି। ଟିମରେ ଅନେକ ଯୁବ ଖେଳାଳୀଙ୍କ ପ୍ରଦର୍ଶନ ଭଲ ରହିଥିବାରୁ ବ୍ୟାଟିଂ ଓ ବୋଲିଂ ଆଧାରରେ ମ୍ୟାଚର ଗତି ବଦଳାଇବାରେ କ୍ଷମତା ରଖିଛନ୍ତି। ମୁଶୀର ଖାନ ଏହି ବିଶ୍ୱକପରେ ଭଲ ପ୍ରଦର୍ଶନ କରିବା ସହ ଅଧିନାୟକ ଉଦୟ ସହରନ ଶତକ ହାସଲ କରିଥିଲେ। ସେହିପରି ସ୍ପିନର ସୌମ୍ୟ ପାଣ୍ଡେ ସର୍ବାଧିକ ୱିକେଟ ନେଇଥିଲେ। ଏହି ୩ ଖେଳାଳୀ ସେମିଫାଇନାଲରେ ଚମତ୍କାର ପ୍ରଦର୍ଶନ କରି ଦଳକୁ ଫାଇନାଲରେ ପ୍ରବେଶ କରାଇପାରନ୍ତି ବୋଲି କ୍ରୀଡା ପ୍ରେମୀ ଆଶା ରଖିଛନ୍ତି।