ନୂଆଦିଲ୍ଲୀ : ବ୍ରିଟେନର କିଙ୍ଗ ଚାର୍ଲ୍ସ ତୃତୀୟଙ୍କ ସ୍ବାସ୍ଥ୍ୟକୁ ନେଇ ବଡ ଖବର ସାମ୍ନାକୁ ଆସିଛି । ବକିଂହାମ୍ ପ୍ୟାଲେସର ସୂଚନା ଅନୁସାରେ କିଙ୍ଗ ଚାର୍ଲ୍ସଙ୍କୁ କ୍ୟାନ୍ସର ହୋଇଥିବା ଜଣାପଡିଛି । ଏହା ପ୍ରୋଷ୍ଟେଟ୍ କ୍ୟାନ୍ସର ନୁହେଁ, କିନ୍ତୁ ନିକଟରେ ବଢିଥିବା ପ୍ରୋଷ୍ଟେଟର ଚିକିତ୍ସା ସମୟରେ ଏହା ଜଣାପଡିଛି ।
କ୍ୟାନ୍ସର ନେଇ ଅଧିକ ଖୁଲାସା କରାଯାଇନି କିନ୍ତୁ ବୟାନ ଅନୁସାରେ କିଙ୍ଗ ଚାର୍ଲସ ନିଜ ଚିକିତ୍ସା ସମ୍ପର୍କରେ ସମ୍ପୂର୍ଣ୍ଣ ରୂପେ ସକାରାତ୍ମକ ଅଛନ୍ତି । ବର୍ତ୍ତମାନ ପାଇଁ ତାଙ୍କ ସମସ୍ତ ସାର୍ବଜନିକ କାର୍ଯ୍ୟକ୍ରମକୁ ସ୍ଥଗିତ କରିଦିଆଯାଇଛି ।
ପ୍ରାୟ ସପ୍ତାହେ ପୂର୍ବରୁ ଲଣ୍ଡନର ଏକ ପ୍ରାଇଭେଟ୍ ହସ୍ପିଟାଲରେ ତାଙ୍କ ପ୍ରୋଷ୍ଟେଟ୍ ସର୍ଜରୀ ହୋଇଥିଲା । ବକିଂହାମ୍ ପ୍ୟାଲେସ୍ ସେହି ସମୟରେ କହିଥିଲା କି କିଙ୍ଗ ଚାର୍ଲ୍ସ ନିଜ ପ୍ରୋଷ୍ଟେଟ୍ ସର୍ଜରୀର ସୂଚନାକୁ ସାର୍ବଜନିକ କରିବାକୁ ନିଷ୍ପତ୍ତି ନେଇଥିଲା ।
Comments are closed.