ମୁମ୍ବଇ : ‘ସୁଲତାନ’ ର ସଫଳତା ପରେ ଖୁବଶୀଘ୍ର ଆଉ ଏକ ଚଳଚ୍ଚିତ୍ରରେ ସଲମାନ-ଅନୁଷ୍କାଙ୍କ ଯୋଡ଼ି ଦେଖିବାକୁ ମିଳିବ। ଚଳଚ୍ଚିତ୍ର ନିର୍ମାତା-ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ତାଙ୍କ ଆଗାମୀ ପ୍ରୋଜେକ୍ଟ ପାଇଁ ଏହି ଯୋଡ଼ିକୁ ଚୟନ କରିଛନ୍ତି। ସୂଚନା ଅନୁସାରେ, ଭଂସାଲୀ ତାଙ୍କର ଏହି ପ୍ରୋଜେକ୍ଟର କାହାଣୀ ଲେଖିବା କାମ ସମ୍ପୂର୍ଣ୍ଣ କରିସାରିଛନ୍ତି। ଏଥିସହିତ ସଲମାନ ଖାନ୍ ଓ ଅନୁଷ୍କା ଶର୍ମାଙ୍କ ସହ ଏନେଇ ଖୁବଶୀଘ୍ର ଆଲୋଚନା କରିବେ ବୋଲି ସେ କହିଛନ୍ତି।
ସଞ୍ଜୟ ଲୀଲା ଭଂସାଲୀ ଓ ସଲମାନ ଖାନ ୧୯ ବର୍ଷ ପୂର୍ବେ ‘ହମ୍ ଦିଲ୍ ଦେ ଚୁକେ ସନମ୍’ ଚଳଚ୍ଚିତ୍ରରେ ଏକାଠି କାମ କରିଥିଲେ। ଏବେ ପୁଣି ତାଙ୍କ ଯୋଡ଼ି ଦର୍ଶକଙ୍କୁ କିମିଆ କରିବ ବୋଲି ଆଶା କରାଯାଉଛି।
