ନୂଆଦିଲ୍ଲୀ : ବିବାହ ଉତ୍ସବରେ ନାଚ ଗୀତ ଆଦି ହୋଇଥାଏ । ଆଉ ଯଦି ଏହି ନାଚ ଗୀତରେ ବର-କନ୍ୟା ସାମିଲ ହୋଇଯିବେ ତେବେ ଖୁସି ଆହୁରି ବଢିଯାଏ । କିନ୍ତୁ ବେଳେବେଲେ ଡ୍ୟାନ୍ସରେ ଏମିତି ଟ୍ବିଷ୍ଟ ଆସେ ଯାହା ସମସ୍ତଙ୍କୁ ହସର ଖୋରାକ ଯୋଗାଏ । ବିବାହ ଉତ୍ସବରେ ବର-କନ୍ୟାଙ୍କ ଏମିତି ଏକ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯାହାକୁ ଦେଖି ଲୋକେ ହସି ହସି ଗଡୁଛନ୍ତି ।
ଇନଷ୍ଟାଗ୍ରାମରେ ଏକ ଭିଡିଓ ସେୟାର ହୋଇଛି ଯେଉଁଥିରେ ବର-କନ୍ୟା ନିଜ ବିବାହରେ ଡ୍ୟାନ୍ସ କରୁଥିବା ନଜର ଆସୁଛନ୍ତି । ବର ଏମିତି ଷ୍ଟେପ୍ କରି ନାଚୁଛନ୍ତି ଯାହା ଦେଖି ସମସ୍ତେ ହସୁଛନ୍ତି । ସେ ସ୍କୁଲରେ ଡ୍ରିଲ୍ କଲା ଭଳି ନାଚୁଛନ୍ତି । ଏହା ପରେ ତାଙ୍କ ସାଙ୍ଗ ତାଙ୍କ ସହିତ ତାଳ ଦେଇ ନାଚୁଛନ୍ତି ।
ଭିଡିଓକୁ ଇନଷ୍ଟାଗ୍ରାମରେ ୯.୭ ମିଲିୟନରୁ ଅଧିକ ଭ୍ୟୁଜ୍ ମିଳିସାରିଲାଣି ଏବଂ ୨ ଲକ୍ଷ ୭୫ ହଜାର ଲାଇକ୍ସ ମିଳିସାରିଛି । ଭିଡିଓକୁ ଦେଖି ଲୋକେ ମଜାଦାର କମେଣ୍ଟସ ଦେଉଛନ୍ତି । ଜଣେ ଲେଖିଛନ୍ତି କି ଲାଗୁଛି ସେ ସ୍କୁଲର ଖେଳ ଶିକ୍ଷକ ହୋଇଥିବେ । ଆଉ ଜଣେ ଲେଖିଛନ୍ତି କି ସେ ୧୦ ଥରରୁ ଅଧିକ ଥର ଏହି ଭିଡିଓକୁ ଦେଖି ସାରିଲେଣି ତଥାପି ସେ ଥକୁନାହାଁନ୍ତି । ଯେତେଥର ଦେଖୁଛନ୍ତି ସେତେଥର ସେ ହସୁଛନ୍ତି ବୋଲି ସେ ଲେଖିଛନ୍ତି ।
