ବିହାର: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ମହାମେଣ୍ଟ ଠାରୁ ଦୂରତା ଅବଲମ୍ବନ କରୁଛନ୍ତି କି? ବିହାର ରାଜନୀତିରେ ଏହି ଆଲୋଚନା ରାଜନୀତିର ପାଣିପାଗକୁ ଉଷ୍ମ କରିଛି । ଇଣ୍ଡିଆ ମହାମେଣ୍ଟର କର୍ଣ୍ଣଧାର ନୀତୀଶ କୁମାର ବର୍ତ୍ତମାନ ତାଙ୍କ ମତ ବଦଳାଉଥିବା ଦେଖାଯାଉଛି । ନୀତୀଶ କୁମାର ବିହାରରେ ହେବାକୁ ଥିôବା ରାହୁଲ ଗାନ୍ଧୀଙ୍କ ଭାରତ ଯୋଡୋ ନ୍ୟାୟ ଯାତ୍ରାରେ ଅଂଶଗ୍ରହଣ କରିବେ ନାହିଁ ବୋଲି ଖବର ଆସିବା ପରେ ଏହା ସ୍ପଷ୍ଟ ବାରି ହେଉଛି ।
ମିଳିଥିବା ସୂଚନା ଅନୁଯାୟୀ ନୀତୀଶ କୁମାର ୩୦ ଜାନୁଆରୀରେ ପାଟନାରେ ଏକ କାର୍ୟ୍ୟକ୍ରମରେ ଯୋଗଦେବେ । ଏହାର ଗୋଟିଏ ଦିନ ପୂର୍ବରୁ, ଜାନୁଆରୀ ୨୯ ରେ, ରାହୁଲ ଗାନ୍ଧୀ ବିହାର ଗସ୍ତରେ ଆସି ବିଭିନ୍ନ ଜିଲ୍ଲା ଦେଇ ଯିବେ । ବିଶେଷ କଥା ହେଉଛି ନୀତୀଶ କୁମାର ରାହୁଲ ଗାନ୍ଧୀଙ୍କ ଗସ୍ତରେ ଅଂଶଗ୍ରହଣ କରିବେ ବୋଲି ପୂର୍ବରୁ କଂଗ୍ରେସ ଦାବି କରିଥିଲା । ବର୍ତ୍ତମାନ ସୂଚନା ଅନୁଯାୟୀ ନୀତୀଶ କୁମାର ସେଦିନ ପାଟନାରେ ରହିବେ । ଏଥିରୁ ସ୍ପଷ୍ଟ ଜଣାପଡୁଛି ଯେ ମମତାଙ୍କ ଭଳି ନୀତୀଶ ମଧ୍ୟ ରାହୁଲଙ୍କ ଭାରତ ଯୋଡୋ ନ୍ୟାୟ ଯାତ୍ରାରେ ସାମିଲ ହେବେ ନାହିଁ ।
