ପାଟଣା: ବିହାର ମହାମେଣ୍ଟ ସରକାରରେ ସବୁକିଛି ଠିକ ଅଛି ତ? ମୁଖ୍ୟମନ୍ତ୍ରୀ ନୀତୀଶ କୁମାର-ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବଙ୍କ ମଧ୍ୟରେ ସମ୍ପର୍କ ସ୍ୱାଭାବିକ ନାହିଁ କି? ଏହି ପ୍ରଶ୍ନ ଏବେ ସମସ୍ତଙ୍କ ମନରେ ଉଠିଛି । କାରଣ ଗୁରୁବାର ଦିନ କ୍ୟାବିନେଟ ବୈକରେ ଏଭଳି କିଛି ଦୃଶ୍ୟ ଦେଖିବାକୁ ମିଳିଥିଲା । ନୀତୀଶ ସରକାରଙ୍କ କ୍ୟାବିନେଟ ବୈଠକ ମାତ୍ର ୧୫ ମିନିଟରେ ଶେଷ ହୋଇଥିଲା । ପରିସ୍ଥିତି ଏପରି ହେଲା ଯେ ବୈଠକ ଏତେ ଶୀଘ୍ର ସମାପ୍ତ ହେଲା ଯେ ମନ୍ତ୍ରୀ ଓ ଅଧିକାରୀମାନେ ସେମାନଙ୍କର ଜଳଖିଆ ମଧ୍ୟ ଶେଷ କରିପାରିଲେ ନାହିଁ ।
ସାଧାରଣତଃ କ୍ୟାବିନେଟ ବୈଠକ ସମାପ୍ତ ହେବା ପରେ ଗଣମାଧ୍ୟମ ପାଇଁ ଏକ ସାମ୍ବାଦିକ ସମ୍ମିଳନୀ କରାଯାଇଥାଏ, କିନ୍ତୁ ଗୁରୁବାର ଦିନ ଏହିପରି କିଛି ଘଟି ନଥିଲା । ବୈଠକ ପରେ ନୀତିଶ ସରକାରଙ୍କ ବହୁ ମନ୍ତ୍ରୀ ଗମ୍ଭୀରତାର ସହିତ ବାହାରକୁ ଆସିଥିଲେ । ଏହି ସମୟ ମଧ୍ୟରେ ମୁଖ୍ୟମନ୍ତ୍ରୀ ନୀତିଶ କୁମାର ଲିଫ୍ଟ ଯୋଗେ ଆସିଥିବାବେଳେ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ସଚିବାଳୟ ସିଡ଼ିରୁ ଓହ୍ଲାଇଥିଲେ । ନେତାଙ୍କ ଚାଲିଚଳଣି ଓ ଭାଷାକୁ ଦେଖି ବୈଠକରେ ପରିସ୍ଥିତି କ’ଣ ହୋଇଥôବ ଅନୁମାନ କରାଯାଇପାରେ ।
ଏହି ବୈଠକରେେ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ଲିଫ୍ଟ ପାଖରେ ସିଏମ ନୀତିଶ କୁମାରଙ୍କୁ ଅପେକ୍ଷା କରିଥିବାବେଳେ ମନ୍ତ୍ରୀ ଅଶୋକ ଚୌଧୁରୀ ମଧ୍ୟ ତାଙ୍କ ସହ ଥିଲେ । ଏହି ସମୟରେ ମୁଖ୍ୟମନ୍ତ୍ରୀ ନୀତିଶ କୁମାର ଦୁହିଁଙ୍କୁ ଅଭିବାଦନ ଜଣାଇ କିଛି ନକହି ଆଗକୁ ବଢିଥିଲେ । ତେବେ ବୈଠକରେ ତିନୋଟି ଏଜେଣ୍ଡା ଅନୁମୋଦନ କରାଯାଇଥିଲା ।
Comments are closed.