ଆଳୁକୁ ପରିବାର ରାଜା ବୋଲି କୁହାଯାଏ। କାରଣ ଅଧିକାଂଶ ବ୍ୟଞ୍ଜନ ହେଉ କିମ୍ବା ଅନ୍ୟାନ୍ୟ ଖାଦ୍ୟ ଜିନିଷ ପ୍ରସ୍ତୁତିରେ ଏହାର ବ୍ୟବହାର କରାଯାଏ। ଅନେକଙ୍କୁ ଆଳୁ ଖାଇବା ମଧ୍ୟ ବେଶ ପସନ୍ଦ। ଆଳୁକୁ ବ୍ୟବହାର କରି ବିଭିନ୍ନ ପ୍ରକାର ସ୍ୱାଦିଷ୍ଟ ଖାଦ୍ୟ ମଧ୍ୟ ପ୍ରସ୍ତୁତ କରାଯାଏ। ଚଟ୍ପଟ୍। ଖାଦ୍ୟ ମଧ୍ୟରେ ଆଳୁ ଚାଟ୍, ଟିକ୍କି, ପକୁଡି ଆଦି ରହିଛି। ତେବେ ସାଧାରଣତଃ ଆଳୁକୁ ପ୍ରସ୍ତୁତ କରିବା ପୂର୍ବରୁ ଏହାର ଚୋପାକୁ କାଢି ଫିଙ୍ଗି ଦେଇଥାଆନ୍ତି। ମାତ୍ର ଆଳୁ ଚୋପାର ଚମତ୍କାରୀ ସ୍ୱାସ୍ଥ୍ୟ ଉପକାରୀ ଗୁଣ ଜାଣିଲେ ଆଉ ଫିଙ୍ଗିବେ ନାହିଁ। ଜାଣନ୍ତୁ..
ଆଳୁ ଚୋପା ହୃଦୟକୁ ସୁସ୍ଥ ରଖିବାରେ ବେଶ ସହାୟକ ହୋଇଥାଏ। ହୃଦୟ ଜନିତ ଅନେକ ସମସ୍ୟାକୁ ମଧ୍ୟ ଦୂର କରିଥାଏ। ଆଳୁରେ ପୋଟାସିୟମ, ମେଗ୍ନେସିୟମ ଓ କ୍ୟାଲସିୟମ ରହିଛି। ଏହା ଉଚ୍ଚ ରକ୍ତଚାପକୁ ମଧ୍ୟ ନିୟନ୍ତ୍ରଣ କରିଥାଏ। ଆଳୁ ଚୋପା ଖାଇବା ଦ୍ୱାରା ହୃଦୟ ସୁସ୍ଥ ରହିଥାଏ।
ଆଳୁ ଚୋପାରେ ଫାଇଟୋକେମିକଲ୍ସ ଭରପୁର ମାତ୍ରାରେ ରହିଛି। ଏହା ଏକ ଶକ୍ତିଶାଳୀ ଆଣ୍ଟି-ଅକ୍ସିଡାଣ୍ଟ। ଏଥିରେ ଏକ ପ୍ରକାର ଏସିଡ ମଧ୍ୟ ଥାଏ। ଯାହା କର୍କଟ ହେବାର ସମ୍ଭାବନାକୁ କମ୍ କରିଥାଏ। କର୍କଟ ରୋଗରୁ ରକ୍ଷା ମଧ୍ୟ କରିଥାଏ।
ଆଳୁ ଚୋପାରେ କ୍ୟାଲସିୟମ ସହ ଅନେକ ମିନେରାଲ୍ସ ରହିଛି। ଏହା ହାଡକୁ ସୁସ୍ଥ ରଖିବା ସହ ମଜଭୂତ କରିଥାଏ।
