ପୁରୀ : ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲାଗି ଜୋରସୋରରେ ପ୍ରସ୍ତୁତି ଚାଲିଛି। ଅଙ୍କୁର ପୂଜନ ପରେ ଯଜ୍ଞ ଅଧିବାସ ଚାଲିଛି। ସୋମବାରଠାରୁ ମହାଯଜ୍ଞ ଆରମ୍ଭ ହେବ । ଶ୍ରୀମନ୍ଦିର ଚାରିଦ୍ବାରରେ ଋକ୍, ସାମ୍, ଯଜୁଃ ଏବଂ ଅଥର୍ବ ବେଦ ମନ୍ତ୍ରରେ ପ୍ରକମ୍ପିତ ହେବ । ବ୍ରାହ୍ମଣ ମାନଙ୍କ ମନ୍ତ୍ରଧୂନୀରେ ଶ୍ରୀକ୍ଷେତ୍ରରେ ଆଧ୍ୟାତ୍ମିକତା ପରିବେଶ ସୃଷ୍ଟି ହେବ । ସେପଟେ ଲୋକାର୍ପଣ ମହୋତ୍ସବ ପାଇଁ ଶ୍ରୀକ୍ଷେତ୍ରରେ ଶ୍ରଦ୍ଧାଳୁଙ୍କ ଗହଳି ଆରମ୍ଭ ହୋଇଗଲାଣି ।
ଦେଶର କୋଣ ଅନୁକୋଣରୁ ଭକ୍ତଙ୍କ ଭିଡକୁ ଦୃଷ୍ଟିରେ ରଖି ସହରର ତିନୋଟି ସ୍ଥାନରେ ପାର୍କିଂ ବ୍ୟବସ୍ଥା କରାଯାଇଛି। ୪୪ ପ୍ଲାଟୁନ୍ ପୁଲିସ ଫୋର୍ସ , ସିସି ଟିଭି ସର୍ଭେଲାନ୍ସ ପୁରା ସହର ଉପରେ ନଜର ରହିବ । ଅନ୍ୟପଟେ ଆସନ୍ତା ୧୭ ତାରିଖରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ ଉତ୍ସବ ରହିଛି। ଏହି ଦିନକୁ ମୁଖ୍ୟମନ୍ତ୍ରୀ ସରକାରୀ ଛୁଟି ଭାବରେ ଘୋଷଣା କରିଛନ୍ତି। ଏହି ଦିନ ରାଜ୍ୟର ସମସ୍ତ ସରକାରୀ କାର୍ଯ୍ୟାଳୟ , ସ୍କୁଲ ଓ କଲେଜ ବନ୍ଦ ରହିବ । ଶ୍ରୀମାର୍ଗ ଏବଂ ଶ୍ରୀସେତୁ କାର୍ଯ୍ୟ ସମ୍ପୂର୍ଣ୍ଣ ହୋଇସାରିଥିବାବେଳେ ସୋମବାର ଏହା ଉପରେ ଟ୍ରାଏଲ ରନ କରାଯିବ।
