ଝୁମ୍ପୁରା: ଝୁମ୍ପୁରା ବ୍ଲକ ନାରଦପୁର ପଚାୟତ ଠାରେ ଜାତୀୟ ଜନଜାତି ଆୟୋଗଙ୍କ ଜନଶୁଣାଣି ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି। ଜନଶୁଣାଣିରେ ଜାତୀୟ ଜନଜାତି ଆୟୋଗ ସଦସ୍ୟ ଅନନ୍ତ ଚରଣ ନାଏକଙ୍କ ସମେତ ଏନସିଏସଟି ଭୂବନେଶ୍ୱର ଡି କେ ପଟେଲ, ଆର କେ ତ୍ରିପାଠୀ, ଡି ନାୟକ ଯୋଗଦାନ କରିଥିବା ବେଳେ ବ୍ଲକ ଅତିରିକ୍ତ ଗୋଷ୍ଠି ଉନ୍ନୟନ ଅଧିକାରୀ ଜିତୁରଞ୍ଜନ ଜେନା, ସରପଞ୍ଚ ହେମୟନ୍ତୀ ମୋଦୀ ପ୍ରମୁଖ ଉପସ୍ଥିତ ରହିଥିଲେ। ଏହି ଅଭିଯୋଗ ଶୁଣାଣୀରେ ବ୍ଲକର ବିଭିନ୍ନ ଗ୍ରାମରୁ ୧୨୭ଟି ଅଭିଯୋଗ ପଞ୍ଜିକୃତ ହୋଇଥିଲା। ସେଥି ମଧ୍ୟରୁ ଉକ୍ତ ସ୍ଥାନରେ ୮୫ଟି ଅଭିଯୋଗ ତୁରନ୍ତ ସମାଧାନ କରାଯାଇଥିବା ବେଳେ ୨୫ଟି ଅଭିଯୋଗକୁ ୧ ମାସ ମଧ୍ୟରେ ସମାଧାନ କରାଯିବ ବୋଲି ସଂପୃକ୍ତ ବିଭାଗୀ ଅଧିକାରୀ ମାନେ ଜାତୀୟ ଜନଜାତି ଆୟୋଗ ସଦସ୍ୟ ଶ୍ରୀ ନାୟକଙ୍କୁ ପ୍ରତିଶୃତି ଦେଇଛନ୍ତି। ଏହି ଅଭିଯୋଗ ଶୁଣାଣିରେ ଆବାସ ଯୋଜନା, ଭତ୍ତା, ରାସନକାର୍ଡ.କୃଷି, ମତ୍ସ୍ୟ, ଉନ୍ନୟନ, ପାନୀୟ ଜଳ ସମ୍ପର୍କିତ ଅଭିଯୋଗ ହୋଇଥିଲା। ଏହି ଜନଶୁଣାଣିରେ ବ୍ଲକର ବିଭିନ୍ନ ବିଭାଗର ଅଧିକାରୀ ମାନେ ଉପସ୍ଥିତ ଥିଲେ।
Comments are closed.