ଟିଟିଲାଗଡ଼ : ସ୍ଥାନୀୟ ବାଳକ ହାଇସ୍କୁଲ ପରିସରରେ ଦ୍ବିଦିବସୀୟ ବଲାଙ୍ଗୀର ଜିଲ୍ଲା ସ୍ତରୀୟ ବୈଜ୍ଞାନିକ ମେଳା ଉଦଘାଟିତ ହୋଇଯାଇଛି। ଜିଲ୍ଲା ଶିକ୍ଷାଧିକାରୀ ତଥା କାର୍ଯ୍ୟକ୍ରମର ସଭାପତି ଧ୍ରୁବ ଚରଣ ବେହେରା ତତ୍ୱାବଧାନରେ ଅନୁଷ୍ଠିତ ମେଳାରେ ରାଜ୍ୟ ଜଳସମ୍ପଦ, ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ ମୁଖ୍ୟଅତିଥି ଭାବରେ ଯୋଗ ଦେଇ ଏହାର ଉଦଘାଟନ କରିଛନ୍ତି। ମେଳାରେ ଜୀବନ ଧାରଣ ନେଇ ବିଜ୍ଞାନ ଏବଂ ବୈଷୟିକ ବିଦ୍ୟା ସନ୍ଦର୍ଭ ନେଇ ଜିଲ୍ଲାର ବିଭିନ୍ନ ୧୪ ଗୋଟି ବ୍ଲକରୁ ମୋଟ ୬୮ଟି ପ୍ରକଳ୍ପ ସ୍ଥାନ ପାଇଛି।
ଏନେଇ ଅନୁଷ୍ଠିତ ସଭାରେ ମନ୍ତ୍ରୀ ଶ୍ରୀମତୀ ସାହୁ ଶିକ୍ଷା କ୍ଷେତ୍ରରେ ବୈପ୍ଲବିକ ପରିବର୍ତନ ଆଣିବା ପାଇଁ ରାଜ୍ୟ ସରକାର ବିଭିନ୍ନ ଯୋଜନା ପ୍ରଣୟନ କରିଥିବା କହିଛନ୍ତି। ଅତିରିକ୍ତ ଜିଲ୍ଲା ଶିକ୍ଷାଅଧିକାରୀ କେଶବ ମେହେର, ବ୍ଲକ ଅଧିକାରୀ ଟିଟିଲାଗଡ଼ ଆର୍ତ୍ତତ୍ରାଣ ରଥ, ବଙ୍ଗୋମୁଣ୍ଡା ବୈକୁଣ୍ଠ ନାଥ ଶବର, ରାଜେଶ ମିଶ୍ର, ମେଳାର କାର୍ଯ୍ୟକାରୀ ସମ୍ପାଦକ ପ୍ରବୀର ପଣ୍ଡା, ଜିଲ୍ଲା ବିଜ୍ଞାନ ନିରୀକ୍ଷକ ରାଜେଶ ମିଶ୍ର, ବାଳକ ହାଇସ୍କୁଲ ପ୍ରଧାନ ଶିକ୍ଷକ ପ୍ରବୀର ପଣ୍ଡା ପ୍ରମୁଖ ମଞ୍ଚାସିନ ଅତିଥି ମତବ୍ୟକ୍ତ କରିଥିଲେ। ବ୍ଲକ ଶିକ୍ଷା ଅଧିକାରୀ ଗୁଡ଼ଭେଲା ରୁଷିଆ ମେହେର, ବେଲପଡା ଅଭିନଵ ମିଶ୍ର, ଦେଓଗାଁ ମମତା ମହାଡ଼ିକ ପ୍ରମୁଖ ଉପସ୍ଥିତ ଥିଲେ। ବିକେପୁର ହାଇସ୍କୁଲ ପ୍ରଧାନ ଶିକ୍ଷକ ଉମେଶ ଚନ୍ଦ୍ର ଦାଶ ସଭା ପରିଚାଳନା ତଥା ଶିକ୍ଷୟିତ୍ରୀ କବିତା ମିଶ୍ର ଧନ୍ୟବାଦ ଅର୍ପଣ କରିଥିଲେ।
ଜିଲ୍ଲା ସ୍ତରୀୟ ବୈଜ୍ଞାନିକ ମେଳା
Popular Categories
Previous article
Next article