ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବଙ୍କୁ କର୍ମର ଦେବତା ବୋଲି କୁହାଯାଏ। ସଭିଁଙ୍କୁ ନିଜ କର୍ମ ଅନୁଯାୟୀ ଶନିଦେବ ଫଳ ପ୍ରଦାନ କରିଥାଆନ୍ତି। ଶନିଙ୍କ କୃପା ପ୍ରାପ୍ତି ପାଇଁ ଓ ଗ୍ରହ ଦୋଷ ଦୂର ପାଇଁ ଲୁହାର ମୁଦି ଧାରଣ କରିବା ଉଚିତ। ଜାଣନ୍ତୁ..
ଏହି ଲୁହା ମୁଦି ଘୋଡା ନାଲ କିମ୍ବା ଡଙ୍ଗାର କଣ୍ଟାରୁ ତିଆରି ହୋଇଥିବା ଅତ୍ୟନ୍ତ ଉତ୍ତମ। ଏହାଦ୍ୱାରା ଶୁଭଫଳ ପ୍ରାପ୍ତି ହୋଇଥାଏ। ଘୋଡାର ପାଦରେ ରହି ଘଷି ହୋଇଥିବା ନାଲ ଓ ସମୁଦ୍ର ଜୁଆର ସହ ମାଡ ହୋଇଥିବା ଡଙ୍ଗାରେ ଥିବା କଣ୍ଟାରେ ଏକ ବିଶେଷ ପ୍ରକାର ଚୁମ୍ବକୀୟ ପ୍ରଭାବ ସୃଷ୍ଟି କରିଥାଏ। ଏହି କାରଣରୁ ଏଥିରୁ ତିଆରି ମୁଦି ଧାରଣ କରିବା ଦ୍ୱାରା ଶନିଙ୍କ ଦୋଷରୁ ମୁକ୍ତି ମିଳିବା ସହ ବିଶେଷ କୃପା ମିଳିଥାଏ।
ଏହି ଲୁହାରୁ ମୁଦି ପ୍ରସ୍ତୁତ କରିବାକୁ କଦାପି ନିଆଁର ବ୍ୟବହାର କରିବେ ନାହିଁ। ଏହାକୁ ଲୁହା ଦ୍ୱାରା ପିଟା ଯାଇ ମୁଦି ତିଆରି କରନ୍ତୁ। ଏହାଦ୍ୱାରା ଶନିଦେବଙ୍କ ବିଶେଷ କୃପା ମିଳିଥାଏ।
ଶନିବାର ଦିନ ଲୁହାର ମୁଦିକୁ ସକାଳ ସମୟରେ ଏକ ପାତ୍ରରେ ସୋରିଷ ତେଲରେ କିଛି ସମୟ ରଖନ୍ତୁ। ସନ୍ଧ୍ୟା ସମୟରେ ଏହି ମୁଦିକୁ କାଢି ପାଣିରେ ଭଲ ଭାବେ ଧୋଇ ସଫା କରନ୍ତୁ। ଏହାକୁ ନିଜ ସାମ୍ନାରେ ରଖି ଶନିଙ୍କ ନାମ ୧୦୮ ଥର ଜପ କରନ୍ତୁ। ଏହାପରେ ଏହାକୁ ପିନ୍ଧନ୍ତୁ।
କୁମ୍ଭ, ମକର, କର୍କଟ, ବିଛା ଓ ମୀନ ରାଶି ବ୍ୟକ୍ତି ବିଶେଷ ଏହି ମୁଦି ଧାରଣ କରିବା ଉଚିତ୍। ଏହାଦ୍ୱାରା ଶନିଙ୍କ ପ୍ରଭାବ ଦୂର ହେବା ସହ ବିଶେଷ କୃପା ପ୍ରାପ୍ତି ହୋଇଥାଏ।
Comments are closed.