ଡେସ୍କ: ଜିଲ୍ଲାର ନାମ ଝାରସୁଗୁଡା। ସେହି ଜିଲ୍ଲାର ଜନବସତି ଠାରୁ ବହୁତ ଦୂରରେ ଜଙ୍ଗଲ ମଝିରେ ରହିଛି ଏକ ଆଦିବାସୀ ଗାଁ, ଟେଟଲିଆବାହାଲ। ନା ସେଠାକୁ ଯାଇଛି ରାସ୍ତା, ନା ସେମାନେ ଦେଖିଛନ୍ତି ବିଦ୍ୟୁତ ଆଲୁଅ। ତେବେ ଖୁବ ଶୀଘ୍ର ସେମାନେ ଦେଖିବେ ଆଶାର ଆଲୋକ। ଏ ନେଇ ଆଜି ଜିଲ୍ଲାପାଳ ଆବୋଲି ସୁନୀଲ ନରବଣେ ଟେଟଲିଆବାହାଲ ଗ୍ରାମ ପରିଦର୍ଶନ କରିଛନ୍ତି।
Visited Tetliabahal village where electricity connection remains an issue as the village is in the middle of the forest area. December 1 is the deadline that has been given to TPWODL and executing agency. It shall be done through DMF fund. pic.twitter.com/Ck6eW77KmP
— DM_Jharsuguda (@dm_jharsuguda) November 17, 2023
ସେହି ଗାଁରେ ପ୍ରାୟ ୪୦ଟି ଆଦିବାସୀ ପରିବାର ରହୁଥିବା ବେଳେ ଏହା ଜଙ୍ଗଲ କ୍ଷେତ୍ର ମଝିରେ ଥିବାରୁ ବିଦ୍ୟୁତ ସଂଯୋଗ ଏକ ସମସ୍ୟା ହୋଇ ରହିଛି। ସେଠାକୁ ଏବେ ରାସ୍ତା ନିର୍ମାଣ ହେଉଥିବା ବେଳେ ଆସନ୍ତା ଡିସେମ୍ବର ୧ ସୁଦ୍ଧା ବିଦ୍ୟୁତ ସଂଯୋଗ ଯୋଗାଇ ଦେବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି। ଟିପି ୱେଷ୍ଟର୍ଣ୍ଣ ଓଡିଶା ଡିଷ୍ଟ୍ରିବ୍ୟୁସନ ଲିମିଟେଡ଼ ଦ୍ୱାରା ଏହି କାର୍ଯ୍ୟ କରାଯାଉଛି ଏବଂ ଜିଲ୍ଲା ଖଣିଜ ପାଣ୍ଠିରୁ ବ୍ୟୟବରାଦ କରାଯାଇଥିବା ସୂଚନା ମିଳିଛି।
