ଦେବଗିରିରେ ସ୍ୱରୂପାନନ୍ଦ ବାବାଙ୍କୁ ଲୁହାରଡ଼ରେ ଆକ୍ରମଣ କରିଥିବା ଦୁର୍ବୃତ୍ତ ଗିରଫ

କଲ୍ୟାଣସିଂହପୁର- ରାୟଗଡା ଜିଲ୍ଲା କଲ୍ୟାଣସିଂହପୁର ଦେବଗିରି ଶୈବ ପୀଠ ପାହାଡ଼ ତଳେ କ୍ରାନ୍ତିକାରୀ ଆଶ୍ରମର ବାବା ସ୍ୱରୂପାନନ୍ଦଙ୍କୁ ଆକ୍ରମଣ କରିଥିବା ଆସାମୀକୁ ଗିରଫ କରି ପୁଲିସ କୋର୍ଟ ଚାଲାଣ କରିଛି ।

ଗତ ପନ୍ଦର ତାରିଖରେ ରବି ବାଗ ନାମକ ଯୁବକ ବାବାଙ୍କୁ ଆକ୍ରମଣ କରିଥିଲା । ରବି ବାଗ ଏକ ଲୁହା ରଡ୍‌ରେ ବାବାଙ୍କୁ ଆକ୍ରମଣ କରିଥିଲା । ପୁଲିସ ଏହି ଘଟଣାରେ ଅଭିଯୁକ୍ତ ରବି ବାଗକୁ ଗିରଫ କରିଛି ।

ବାବାଙ୍କୁ ଆକ୍ରମଣର ପ୍ରତିବାଦ ଦେଖିବା ପାଇଁ ମିଳିଛି । ସାଧାରଣ ଲୋକ ନିଜକୁ ସୁରକ୍ଷିତ ମନେ କରୁ ନାହାନ୍ତି । ଧୀରେ ଧୀରେ ନିଶା ଖୋରଙ୍କ ପାଦ୍ରୁଭାବ ବୃଦ୍ଧି ପାଉଥିବା ଅଭିଯୋଗ ହୋଇଛି । ଏଥିପାଇଁ ପୁଲିସ ଏବଂ ପ୍ରଶାସନ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ହୋଇଛି । ଏହା ନହେଲେ ବିରାଟ ଜନ ଆନ୍ଦୋଳନ କରାଯିବ ବୋଲି ସ୍ଥାନୀୟ ବାସିନ୍ଦା ପ୍ରକାଶ କରିଛନ୍ତି ।