କଲମପୁର : ଧର୍ମଗଡ ବିଧାନସଭା ନିର୍ବାଚନ ମଣ୍ଡଳି ଅନ୍ତର୍ଗତ କଲମପୁର ବ୍ଲକ ଅଧୀନସ୍ଥ ମୀନଗୁର ଧାନମଣ୍ଡିରେ କଲମପୁର ବ୍ଲକ କଂଗ୍ରେସ ପକ୍ଷରୁ ଏକ କର୍ମୀ ସମ୍ମିଳନୀ ଅନୁଷ୍ଠିତ ହେଇଯାଇଛି । ବ୍ଲକ ସଭାପତିଙ୍କ ଅନୁପସ୍ଥିତିରେ ବରିଷ୍ଠ କର୍ମୀ ପିତାମ୍ବର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମ୍ମିଳନୀରେ ପ୍ରଦେଶ କଂଗ୍ରେସ କମିଟିର ସମ୍ପାଦକ ଦିଗାମ୍ବାର ଦୁରିଆ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। ଦୀର୍ଘ ୨୫ ବର୍ଷ ଧରି କଂଗ୍ରେସ ଦଳ ରାଜ୍ୟରେ କ୍ଷମତା ଠାରୁ ଦୂରେଇ ରହିଛି । ସ୍ଥାନୀୟ କେହି ପ୍ରତିନିଧି ବିଧାୟକ ଅଥବା ସାଂସଦ ଭାବେ ନିର୍ବାଚିତ ହେଇ ପାରୁନାହାଁନ୍ତି । ତାହାର ପ୍ରମୁଖ କାରଣ ଦଳୀୟ ସଂଗଠନରେ ଦୁର୍ବଳତା । ସଂଗଠନ ସଜାଡିବା ଦାୟିତ୍ୱରେ ଥିବା ବରିଷ୍ଠ ନେତୃମଣ୍ଡଳି ତୃଣମୂଳ ସଂଗଠନ ପ୍ରତି ଅବହେଳାକୁ କର୍ମୀ ଦାୟୀ କରିଥିଲେ। କଂଗ୍ରେସର ଦୁର୍ଗ କୁହାଯାଉଥିବା କଲମପୁର ଅଂଚଳରେ ଏବେ ବି.ଜେ.ଡି, ବି.ଜେ.ପି ନିଜର ଗଡ ସୃଷ୍ଟି କରିବାରେ ସମର୍ଥ ହେଇ ସାରିଛନ୍ତି । ବର୍ତ୍ତମାନ ଦଳୀୟ ସଂଗଠନକୁ କିଭଳି ଦୃଢ କରି ପୁଣି ଥରେ କଲମପୁର ଅଂଚଳରେ କଂଗ୍ରେସ ତାର ପୂର୍ବ ସମର୍ଥନ ପାଇବ ସେନେଇ ପ୍ରାୟସ ଆରମ୍ଭ କରାଯାଇଛି । କର୍ମୀ ସମ୍ମିଳନୀରେ ସନ୍ତୋଷ ପାଢୀ, ଚତୁର୍ଭୁଜ ପଣ୍ଡା, ଡାକେଶ୍ୱର ଲହଜଲ, ପଦ୍ମ କିଶୋର ନାଏକ, ରତନ ନାଏକ, ପବିତ୍ର ବାଗ, ବେଣୁପାଣି ଦୁର୍ଗା, ଜଗନ୍ନାଥ ନାଏକ, ଗଣେଶ ନାଗ, ଶ୍ୟାମ ସୁନ୍ଦର ବାଗ, ରବି ନାରାୟଣ ବେହେରା, ହରିଶଙ୍କର ଦୀପ ପ୍ରମୁଖ ଆଲୋଚନା କରିଥିଲେ।
Popular Categories
Previous article
Next article