ଫୁଲବାଣୀ: କନ୍ଧମାଳ ଜିଲା ଫୁଲବାଣୀ ସହର ସ୍ଥିତ ସର୍ବ ପୁରାତନ ମା’ ଦକ୍ଷୀଣ କାଳୀଙ୍କ ପୀଠପୂଜା ମହା ସମାରୋହରେ ପାଳିତ ହୋଇଯାଇଛି। ପ୍ରତି ବର୍ଷ ପରି ଚଳିତ ବର୍ଷ ମଧ୍ୟରାତ୍ରୀ କାଳୀନ ପୂଜା କରାଯାଇଛି। ପୂଜକ ସନ୍ତୋଷ କୁମାର ଦାଶ ପୂଜା କାର୍ଯ୍ୟ ଆରମ୍ଭ କରିଥିବା ବେଳେ କର୍ତ୍ତା ଭାବରେ ସୂର୍ଯ୍ୟ ପାଣିଗ୍ରାହୀ ଦାୟିତ୍ବ ସମ୍ପାଦନ କରିଥିଲେ। ଅନ୍ୟମାନଙ୍କ ମଧ୍ୟରେ ବିଭୂତି ପଣ୍ଡା, ରାଜ ଶେଖର ସାହୁ, ମନ୍ଦିର ପୂଜକ ଦିଲୀପ ମହାପାତ୍ର, ପ୍ରମୁଖ ପୂଜା କାର୍ଯ୍ୟରେ ସହଯୋଗ କରିଥିଲେ।
ସକାଳୁ ସକାଳୁ ମାଆଙ୍କ ପ୍ରଭାତ ପୂଜା ପରେ ପରେ ମାଙ୍କୁ ଦର୍ଶନ କରିବା ସହିତ ପୂଜାର୍ଚ୍ଚନା ପାଇଁ ଶ୍ରଦ୍ଧାଳୁଙ୍କର ପ୍ରବଳ ଭିଡ ଜମିଥିବାର ଦେଖିବାକୁ ମିଳିଥିଲା। ମା’ଙ୍କ ମଧ୍ୟ ରାତ୍ର ପୂଜା ସମାପନ ହୋଇଥିଲା। ମନ୍ଦିର ପରିଚାଳନା କମିଟିର ସଭାପତି ପ୍ରଦୀପ ପଣ୍ଡା, ସମ୍ପାଦକ ଅଜିତ ମହାରଣା, ସହସମ୍ପାଦକ ଆଦିତ୍ୟ ପ୍ରସାଦ ତ୍ରିପାଠୀ, କୋଷାଧ୍ୟକ୍ଷ ଅମରେଶ ପ୍ରସାଦ ରଥଙ୍କ ସମେତ ସଦସ୍ୟ ବାବୁ ପଟ୍ଟନାୟକ , ଅଶ୍ବୀନ କର ପ୍ରମୁଖ ପୂଜା କାର୍ଯ୍ୟକୁ ସୂଚାରୁ ରୂପେ ପରିଚାଳନା କରିଥିଲେ l
