ଚୌଦ୍ୱାର: ଓଡ଼ିଶୀ ନୃତ୍ୟକଳା ଅନୁଷ୍ଠାନ ଚୌଦ୍ୱାରସ୍ଥିତ ତ୍ରିନେତ୍ର କଳାକୁଞ୍ଜ ଆନୁକୁଲ୍ୟରେ ଗୁରୁ ପୂଜନ ଉତ୍ସବ ଅନୁଷ୍ଠିତ ହୋଇ ଯାଇଛି। ଅନୁଷ୍ଠାନର ମୁଖ୍ୟ ଓଡ଼ିଶୀ ଗୁରୁ ରମାକାନ୍ତ ସାହୁଙ୍କ ପରିଚାଳନାରେ ଚୌଦ୍ୱାର ପୌରପାଳିକା ୧୨ ନମ୍ବର ୱାର୍ଡ଼ସ୍ଥିତ ଚନ୍ଦନେଶ୍ୱର ମନ୍ଦିର ପ୍ରଙ୍ଗଣରେ ଆୟୋଜିତ ଉତ୍ସବରେ ଆନ୍ତର୍ଜାତିକ ଖ୍ୟାତି ସମ୍ପନ୍ନ ଓଡ଼ିଶୀ ନୃତ୍ୟଗୁରୁ ଡ. ଗଜେନ୍ଦ୍ର ନାଥ ପଣ୍ଡା, ଗୁରୁ ମୁକ୍ତିଲତା ଦାସ, ସମାଜସେବୀ ବିଜୟଲକ୍ଷ୍ମୀ ମହାପାତ୍ର, ଶିକ୍ଷାବିତ୍ ରବୀନ୍ଦ୍ର କୁମାର ସାହୁ ପ୍ରମୁଖ ଅତିଥି ଭାବେ ଯୋଗଦେଇ ଓଡ଼ିଶାର ମୌଳିକ ସଂସ୍କୃତି ଓଡ଼ିଶୀ ନୃତ୍ୟର ପ୍ରସାର ପ୍ରସାର ଓ ଗୁରୁ ଶିଷ୍ୟ ପରମ୍ପରାକୁ ବଜାୟ ରଖିବା ଦିଗରେ ତ୍ରିନେତ୍ର କଳାକୁଞ୍ଜର ପ୍ରୟାସକୁ ପ୍ରଶଂସା କରିଥିଲେ। ଏହି ଅବସରରେ ଗୁରୁପୂଜନ, ଗୁରୁ ସମ୍ବର୍ଦ୍ଧନା ଓ ବରିଷ୍ଠ ମାନଙ୍କୁ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଅନୁଷ୍ଠାନର କଳାକାର ମାନଙ୍କଦ୍ୱାରା ଚିତ୍ତାକର୍ଷକ ନୃତ୍ୟ ବିଚିତ୍ରା ପ୍ରଦର୍ଶନ କରାଯାଇଥିଲା। ରାଜ କିଶୋର ନାୟକ, ମାନସ ଖୁଣ୍ଟିଆ,ଦିବାକର ବେହେରା, ଅଶ୍ୱିନୀ ଜେନା ପ୍ରମୁଖ କାର୍ଯ୍ୟକ୍ରରେ ସହଯୋଗ କରିଥିଲେ।
Popular Categories
Previous article
Next article