ସମ୍ବଲପୁର: ଆସନ୍ତା ବର୍ଷ ଜାନୁଆରୀ ୨୨ରେ ଅଯୋଧ୍ୟାରେ ଶ୍ରୀ ରାମ ଲଲ୍ଲାଙ୍କ ମନ୍ଦିରର ପ୍ରାଣ ପ୍ରତିଷ୍ଠା ହେବାକୁ ଯାଉଛି। ଏହି ଅବସରରେ ଶ୍ରୀରାମ ଜନ୍ମ ଭୂମି ତୀର୍ଥ କ୍ଷେତ୍ର ଅଯୋଧ୍ୟା ପକ୍ଷରୁ ଗତ ୫ ନଭେମ୍ବରରେ ଅଯୋଧ୍ୟା ଠାରେ ଅକ୍ଷତ ପୂଜା ଅନୁଷ୍ଠିତ ହୋଇଥିଲା। ଏହି ପୁଜାରେ ବିଶ୍ୱହିନ୍ଦୁ ପରିଷଦର ୪୫ଟି ପ୍ରାନ୍ତର ପ୍ରତିନିଧି ମାନେ ଯୋଗ ଦେଇଥିଲେ ଏବଂ ପୂଜା ହୋଇଥିବା କଳସ ଗୁଡିକୁ ନିଜ ନିଜ ପ୍ରାନ୍ତକୁ ନେଇଛନ୍ତି। ଏହି କ୍ରମରେ ଓଡ଼ିଶା ପଶ୍ଚିମ ପ୍ରାନ୍ତର ଅକ୍ଷତ ଶୁଭ କଳସ ମଙ୍ଗଳବାର ରେଳଗାଡି ଜରିଆରେ ସମ୍ବଲପୁରରେ ଆସି ପହଂଚିଛି। ପରେ ବିଶ୍ୱ ହିନ୍ଦୁ ପରିଷଦ ସମ୍ବଲପୁର, ବଜରଙ୍ଗ ଦଳ ଓ ଅନ୍ୟାନ୍ୟ ହିନ୍ଦୁ ସଙ୍ଗଠନ ମାନେ ଗୈରିକ ଧ୍ୱଜା, ଘଣ୍ଟ, ଶଙ୍ଖ, ବାଦ୍ୟରେ ସ୍ୱାଗତ କରି ଏକ ବିରାଟ ପଟୁଆରରେ ସ୍ଥାନୀୟ କୁମ୍ଭାରପଡ଼ା ସ୍ଥିତ କାର୍ଯ୍ୟାଳୟକୁ ପାଛୋଟି ନେଇଥିଲେ। ଆସନ୍ତା ଜାନୁଆରୀ ମାସ ୧ ରୁ ୧୫ ତାରିଖ ମଧ୍ୟରେ ସମଗ୍ର ଭାରତରେ ପ୍ରତ୍ୟେକ ଘରକୁ ଏହି ପୁଜା ପାଉଥିବା ଅକ୍ଷତ ସହିତ ଅଯୋଧ୍ୟା ଶ୍ରୀରାମ ମନ୍ଦିରକୁ ନିମନ୍ତ୍ରଣ କରାଯିବାର ଯୋଜନା କରାଯାଇଛି। ଏହି କ୍ରମରେ ପଶ୍ଚିମ ପ୍ରାନ୍ତରେ ମଧ୍ୟ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ। ବିହିପର ଓଡ଼ିଶା ପଶ୍ଚିମ ପ୍ରାନ୍ତ ତରଫରୁ ଶ୍ରୀରାମଚନ୍ଦ୍ର ନାୟକ, ସୌମ୍ୟ ରଞ୍ଜନ ମିଶ୍ର, ସନ୍ତୋଷ କର ପ୍ରମୁଖ ଅଯୋଧ୍ୟାରେ ହୋଇଥିବା ଅକ୍ଷତ ପୂଜା ଉତ୍ସବରେ ପ୍ରତିନିଧିତ୍ୱ କରିବା ସହିତ ଶୁଭ କଳସକୁ ଆଜି ସମ୍ବଲପୁର ନେଇ ଆସିଥିଲେ। ଅକ୍ଷତ କଳସକୁ ସ୍ୱାଗତ କରିବା ଅବସରରେ ବିହିପର ପଶ୍ଚିମ ପ୍ରାନ୍ତ ସଂଯୋଜକ ଡା. ରାଜକୁମାର ବଡପଣ୍ଡା, ସହ ସମ୍ପାଦକ ରାଜୀବ ଶତପଥୀ, ସୁଧିର ରଞ୍ଜନ ବହିଦାର, ସତ୍ୟନାରାୟଣ ଥନାପତି, ବିପିନ ଗଡ଼ନାୟକ, ସମ୍ପୁର୍ଣ୍ଣା ସାହୁ, ଚନ୍ଦ୍ରକାନ୍ତ ପାଣିଗ୍ରାହୀ, ଅନୀଲ ବେହେରା, ଗୋବିନ୍ଦ ଅଗ୍ରୱାଲ, ନନ୍ଦକିଶୋର ମିଶ୍ର, ପ୍ରଦୀପ ସୁପକାର, ଡା. ପୁରୁଷୋତ୍ତମ ଅଗ୍ରୱାଲ, ଅନନ୍ତ ମହାନ୍ତିଙ୍କ ସମେତ ଶତାଧିକ ବ୍ୟକ୍ତି ଉପସ୍ଥିତ ରହିଥିଲେ।
Popular Categories
Previous article
Next article