ଫୁଲବାଣୀ:କନ୍ଧମାଳ ଜିଲା ରେଳପଥ କ୍ରିୟାନୁଷ୍ଠାନ କମିଟି ପକ୍ଷରୁ ବନାନୀ କଳା ସଙ୍ଗମ ଠାରେକ୍ରିୟାନୁଷ୍ଠାନ କମିଟି ସଭାପତି କମଳାପାଣ୍ଡେଙ୍କ ସଭପତିତ୍ୱରେ ଅନୁଷ୍ଠିତ ବୈଠକରେ ଆସନ୍ତା ନଭେମ୍ବର ୫ତାରିଖରେ କନ୍ଧମାଳକୁ ରେଳ ସଂଯୋଗ ପାଇଁ ଏକ ସର୍ବ ଦଳୀୟ ବୈଠକ ଡକାଯିବା ନେଇ ନିଷ୍ପତ୍ତି ଗ୍ରହଣ କରାଯାଇଛି। ଦଳମତ ନିର୍ବିଶେଷରେ ସମସ୍ତେ ଯୋଗ ଦେବାକୁ ଆହ୍ୱାନ ଦିଆଯାଇଛି। ଜିଲାର ବିଭିନ୍ନ ସାମାଜିକ, ଧାର୍ମିକ ଓ ରାଜନୈତିକ ସଂଗଠନ ଯୋଗଦେବାକୁ ଅନୁରୋଧ କରାଯାଇଛି।
ଗୋପାଳପୁର ସମ୍ବଲପୁର ଭାୟା ଫୁଲବାଣୀ ଏବଂ ଲାଞ୍ଜିଗଡ ଅନଗୁଳ ଭାୟା ବାଲିଗୁଡା ରେଳପଥ ସ୍ଥିତି ସମ୍ପର୍କରେ କେନ୍ଦ୍ର ରେଳମନ୍ତ୍ରୀଙ୍କ ସହ ଆଲୋଚନା କରାଯାଇଛି। ଏହି ବୈଠକରେ ଅଶୋକ ପରିଡା ପ୍ରାରମ୍ଭିକ ସୂଚନା ଦେଇଥିବା ବେଳେ ମିଳିତ ନାଗରିକ କମିଟି ରସଭାପତି ଅରୁପ ଜେନା ଆଇନଜୀବୀ ବିଜୟକୃଷ୍ଣ ପଟ୍ଟନାୟକ, ଅଶୋକ ବେହେରା, ପ୍ରେସକ୍ଳବ ସଭାପତି ସୁନୀଲ ପଟ୍ଟନାୟକ, ସନ୍ତୋଷ କୁମାର ଦିଗାଲ, ପ୍ରଶାନ୍ତ ବେହେରା, ନବୀନ କିଶୋର ପଣ୍ଡା, ଅବନି କହଁର, ପ୍ରଣବ ମଣ୍ଡଳ, ବଂଶୀଧର ପଣ୍ଡା, ଅମୀୟ ଦାସ ପ୍ରମୁଖ ଯୋଗ ଦେଇ ଆଲୋଚନା ରେ ଭାଗ ନେଇଥିଲେ।
Comments are closed.