କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ନାରାୟଣପୁର ପଞ୍ଚାୟତର ଭାତପରସି ବୁଲାଣିଠାରେ ରବିବାର ଭାରସାମ୍ୟ ହରାଇ ତସୁ ବୋଝେଇ ଏକ ଟ୍ରକ ଓଲଟି ୩ ଜଣ ଗୁରୁତର ଭାବେ ଆହତ ହୋଇଛନ୍ତି। ୩ ଗୁରୁତର ଆନ୍ଧ୍ରପ୍ରଦେଶର ବିଶାଖାପାଟଣା ଜିଲା ଆନନ୍ଦପୁର ମଣ୍ଡଳର ପେକେରି ଗ୍ରାମର ଏ ସନ୍ୟାସି ରାଓ, ପି ଆପାରାଓ, ୟୁ ରାମଣା ବୋଲି ଜଣାପଡ଼ିଛି। ଖବର ପାଇ କଲ୍ୟାଣସିଂହପୁର ପୁଲିସ ଏସଆଇ ଶିବ ପ୍ରସାଦ ସାହୁ ଓ ସଞ୍ଜୟ କୁମାର ମୁର୍ମୁ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ତିନି ଗୁରୁତରଙ୍କୁ ଅଗ୍ନିଶମ ଗାଡ଼ି ଓ ଆମ୍ବୁଲାନ୍ସ ଯୋଗେ କଲ୍ୟାଣସିଂହପୁର ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତର ସୌଭାଗ୍ୟ ହୁଇ ପ୍ରାଥମକି ଚିକିତ୍ସା କରିବା ପରେ ରାୟଗଡା ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିଲେ।
ସୂଚନାଯୋଗ୍ୟ, ଆନ୍ଧ୍ରପ୍ରଦେଶର ଏକ ଟ୍ରକ କଲ୍ୟାଣସିଂହପୁରର ଏକ ରାଇସ ମିଲରୁ ତସୁ ବଝୋଇ କରି ଆନ୍ଧ୍ରପ୍ରଦେଶ ଅଭିମୁଖେ ଯିବା ସମୟରେ ଭାତପରସି ନିକଟସ୍ଥ ବୁଲାଣିରେ ଏହି ଅଘଟଣ ଘଟିଛି ।
Comments are closed.