ମାଲକାନଗିରି: ମାଲକାନଗିରି ଜିଲା କୃଷି ବିଜ୍ଞାନ କେନ୍ଦ୍ର ତରଫରୁ ଆଦିବାସୀଙ୍କ ଜୀବନ ଜୀବିକା ଓ ଆର୍ଥିକ ଉନ୍ନତି ପାଇଁ ମାଛ ଜାଆଁଳ ବିତରଣ କରାଯାଇଛି। କୃଷି ବିଜ୍ଞାନ କେନ୍ଦ୍ରର ମତ୍ସ୍ୟ ବୈଜ୍ଞାନିକ ଆତିଶ ମହେନ୍ଦ୍ର ମାନେଙ୍କ ନେତୃତ୍ୱରେ ମାଲକାନଗିରି ବ୍ଲକ ପେଡ଼ାକୋଣ୍ଡା, କୋଇଲିପାରି, କୋଇକୋଣ୍ଡା, ଖଡିକାଜୋଡି, କେନ୍ଦୁଗୁଡା, ଗୋରେଗୁଡା, କୋଟେଲିଗୁଡା ଗ୍ରାମଗୁଡ଼ିକରେ ବସବାସ କରୁଥିବା ଆଦିବାସୀ ମତ୍ସ୍ୟ ଚାଷୀମାନଙ୍କୁ ବିଭିନ୍ନ କିସମର ମତ୍ସ୍ୟ ଜାଆଁଳ ବିତରଣ କରାଯାଇଛି। ବର୍ତମାନ ବର୍ଷା ଋତୁ ଶେଷ ହୋଇଥିବାରୁ ଚାଷୀମାନଙ୍କ ପୋଖରୀଗୁଡିକରେ ଜଳପୂର୍ଣ୍ଣ ହୋଇଛି। ଏହି ସମୟରେ ଜାଆଁଳ ଛାଡିଲେ ଆସନ୍ତା ବର୍ଷକୁ ଜାଆଁଳଗୁଡିକ ଓଜନ ବୃଦ୍ଧି ପାଇବା ସହ ବଜାରରେ ଏହାର ଚାହିଦା ଏବଂ ମୂଲ୍ୟ ବୃଦ୍ଧି ପାଇବ, ଯାହାଫଳରେ ଅନୁସୂଚିତ ଜନଜାତି ମତ୍ସ୍ୟ ଚାଷୀମାନେ ଅଧିକ ଲାଭବାନ ହେବା ସହ ସେମାନଙ୍କ ଆର୍ଥିକ ମାନଦଣ୍ଡର ଉନ୍ନତି ହେବ ବୋଲି କୃଷି ବିଜ୍ଞାନ କେନ୍ଦ୍ର ତରଫରୁ ଏପରି ପଦକ୍ଷେପ ନିଆଯାଇଛି। ଆଗାମୀ ଦିନରେ ଜିଲାର ଅନ୍ୟାନ୍ୟ ବ୍ଲକରେ ମଧ୍ୟ ମତ୍ସ୍ୟଚାଷୀମାନଙ୍କୁ ମାଛ ଜାଆଁଳ ମାଗଣାରେ ପ୍ରଦାନ କରାଯିବ ବୋଲି ବୈଜ୍ଞାନିକ ଆତିଶ ପ୍ରକାଶ କରିଛନ୍ତି।
Comments are closed.