ରେଙ୍ଗାଲି : ବଂଶ ରକ୍ଷା କରିବା ପାଇଁ ମଲା ବେଳେ ମୁହଁରେ ପାଣି ମୁନ୍ଦେ ଦେଇ ମଶାଣିକୁ ନେଇ ମୁଖାଗ୍ନି ଦେବ। ଶୁଦ୍ଧ କ୍ରିୟା କରିବ । ଏହି ଆଶା ନେଇ ଲୋକେ ପୁତ୍ର ସନ୍ତାନ ଖୋଜନ୍ତି । ତେବେ ପୁଅ ଭଗାରୀ ସାଜି ମାଆକୁ ମାରିବ ଏକଥା କେହି କଳ୍ପନା କରି ନଥାନ୍ତି । ରେଙ୍ଗାଲି ଥାନା ଜଙ୍ଗଲା ଗ୍ରାମରେ ଏଭଳି ଏକ ଅଭାବନୀୟ ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ସୋମବାର ରାତି ପ୍ରାୟ ସାଢେ ୧୦ଟାରେ ଜଙ୍ଗଲା ଗ୍ରାମର ସଜିତ ବଢେଇ ତାର ଜନ୍ମଦାତ୍ରୀ ମାଆ ଯଜ୍ଞସିନିକୁ ଫାଉଡାରେ ମରଣାନ୍ତକ ଆକ୍ରମଣ କରିବା ଫଳରେ ଯଜ୍ଞସିନିଙ୍କ ମୃତ୍ୟୁ ହୋଇଯାଇଛି। ଖବର ପାଇ ରେଙ୍ଗାଲି ପୁଲିସ ସଦଳବଳେ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ହତ୍ୟାର କାରଣ ଜଣା ପଡି ନାହିଁ । ମାତୃହନ୍ତା ସଜିତ ଘଟଣା ସ୍ଥଳରୁ ଫେରାର୍ ହୋଇଯାଇଛି । ତାକୁ ଧରିବା ପାଇଁ ପୁଳିସ ତନାଘନା ଜାରି ରଖିଛି ।
Comments are closed.