ଡେସ୍କ: ୨୭୪ ଜଣ ଭାରତୀୟ ଯାତ୍ରୀଙ୍କୁ ନେଇ ‘ଅପରେସନ୍ ଅଜୟ’ ଅଧୀନରେ ଇସ୍ରାଏଲରୁ ଚତୁର୍ଥ ବିମାନ ଆଜି ସକାଳେ ଦିଲ୍ଲୀ ବିମାନବନ୍ଦରରେ ପହଂଚିଛି। କେନ୍ଦ୍ର ରାଷ୍ଟ୍ର ମନ୍ତ୍ରୀ (ଅବସରପ୍ରାପ୍ତ) ଭି.କେ. ସିଂହ ବିମାନ ବନ୍ଦରରେ ଭାରତୀୟ ଯାତ୍ରୀଙ୍କୁ ସ୍ୱାଗତ କରିଥିଲେ। ସେ ସେମାନଙ୍କ ସହ କଥାବାର୍ତ୍ତା କରିଥିଲେ ଏବଂ ପ୍ରତ୍ୟେକ ଭାରତୀୟ ଯାତ୍ରୀଙ୍କୁ ଜାତୀୟ ପତାକା ମଧ୍ୟ ଦେଇଥିଲେ।
ମନ୍ତ୍ରୀ ଶ୍ରୀ ସିଂହ ସୂଚନା ଦେଇଛନ୍ତି ଯେ ଇସ୍ରାଏଲରେ ଏଭଳି ପରିସ୍ଥିତି ମଧ୍ୟରେ ଭାରତୀୟ ନାଗରିକଙ୍କୁ ଆଣିବା ପାଇଁ ଅଧିକ ବିମାନ ଚଳାଚଳ କରାଯିବ। ସେ କହିଛନ୍ତି, ବିଶ୍ୱବିଦ୍ୟାଳୟଗୁଡ଼ିକ ବନ୍ଦ ହୋଇଯାଉଛି, ଇସ୍ରାଏଲରେ ଭୟର ବାତାବରଣ ସୃଷ୍ଟି ହୋଇଛି। ସେ ଲୋକଙ୍କୁ ଭୟଭୀତ ନହେବାକୁ ଏବଂ ନିର୍ଦ୍ଦେଶ ପାଳନ ନକରିବାକୁ ଅନୁରୋଧ କରି କହିଛନ୍ତି ଯେ ସୋମବାର ଆଉ ଏକ ବିମାନ ଆସିବ। ପଞ୍ଜୀକୃତ ହୋଇଥିବା ସମସ୍ତ ଲୋକଙ୍କୁ ନ ଆଣିବା ପର୍ଯ୍ୟନ୍ତ ବିମାନ ଚଳାଚଳ ଜାରି ରହିବ।
