ଜି ଉଦୟଗିରି : ସ୍ଥାନୀୟ କୃଷି କାର୍ଯ୍ୟାଳୟ ସଭାଗୃହରେ ସହକାରୀ କୃଷି ଅଧିକାରୀ ପ୍ରିୟଦର୍ଶିନୀ ମଲିକଙ୍କ ଅଧ୍ୟକ୍ଷତାରେ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି। କର୍ମଶାଳାରେ ମୁଖ୍ୟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷା ସୁଷମା ପ୍ରଧାନ ଯୋଗଦେଇ ସରକାରଙ୍କ ଦ୍ବାରା ଆୟୋଜିତ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା ମାଧ୍ୟମରେ ଚାଷୀ କିପରି ଲାଭବାନ ହୋଇପାରିବେ ସେ ସମ୍ପର୍କରେ ବକ୍ତବ୍ୟ ରଖିଥିଲେ।
ଅନ୍ୟମାନଙ୍କ ମଧ୍ୟରେ ପ୍ରାଣୀ ଚିକିତ୍ସା ଅଧିକାରୀ ଅଳକା ଅଭିପସା ବଳିଆର୍ସିଂ, ମୂର୍ତ୍ତିକା ସଂରକ୍ଷଣ ବିଭାଗରୁ ଦିବାକର ନାୟକ, ମତ୍ସ୍ୟ ସଂପ୍ରସାରଣ ଅଧିକାରୀ କେ ସୁରେଶ କୁମାର ପାତ୍ର, କୃଷିଯନ୍ତ୍ରୀ ଆର ଏନ୍ ସ୍ମୁତିରଞ୍ଜନ, ଜିଲା ସଂଯୋଜକ ଆପିକଲ ପ୍ରିୟଙ୍କା ମାନସିଂ ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମକୁ କୃଷି ଅଧିଦର୍ଶକ କାଳୀ ଚରଣ ସାହୁ ପରିଚାଳନା କରିଥିଲେ। ପୂର୍ବରୁ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ସଚେତନତା ରଥକୁ ମୁଖ୍ୟ ଅତିଥି ପଞ୍ଚାୟତ ସମିତି ଅଧ୍ୟକ୍ଷା ସୁଷମା ପ୍ରଧାନ ପତାକା ଦେଖାଇ ଉଦଘାଟନ କରିଥିଲେ।
