ପିପିଲି: ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ବିଜେଡି ପକ୍ଷରୁ ରାଜ୍ୟର କୋଣ ଅନୁକୋଣରେ ଜନସମ୍ପର୍କ ପଦଯାତ୍ରା ଚାଲିଥିବା ବେଳେ ବିଧାୟକ ରୁଦ୍ରପ୍ରତାପ ମହାରଥୀ ବିଜେଡି କର୍ମୀ, ସମର୍ଥକ ଓ ଦଳୀୟ ନେତୃବୃନ୍ଦଙ୍କୁ ନେଇ ରବିବାର ଦାଣ୍ଡମୁକୁନ୍ଦପୁର ଅଞ୍ଚଳରେ ଜନସଂପର୍କ ପଦଯାତ୍ରାରେ ଯାଇ ଲୋକଙ୍କ ସମସ୍ୟା ବୁଝିଛନ୍ତି। ପିପିଲି ବ୍ଲକ ଅଧ୍ୟକ୍ଷା ଦେବସ୍ୱିନୀ ନନ୍ଦଙ୍କ ନେତୃତ୍ୱରେ ଏହି ପଦଯାତ୍ରା ମହାନ୍ତିସାହି ଛକରୁ ଆରମ୍ଭ ହୋଇ ଦାଣ୍ଡମୁକୁନ୍ଦପୁର ବଜାର, ପ୍ରଥମଷ ଦେଇ ରାଣପୁର, ନୂଆସାହି, ଖରିଜା, ବାଇଟାଙ୍ଗି, ମହାସିଂହପାଟଣା, ବାସୁଦେଇପୁର, କଢିମୂଳ, ଛେଦ୍ରାମାଳ, ବିଲ୍ୱମଳିକସାହି, ତୃତୀୟଷଠାରୁ ଷଷ୍ଠଷ, ବାଲିଉପର ସାହି, ସମେଇପଣ୍ଡା, ଦାସସାହି ଆଦି ଅଞ୍ଚଳ ପରିକ୍ରମା କରିଥିଲା। ବିଭିନ୍ନ ସ୍ଥାନରେ ପଥପ୍ରାନ୍ତ ସଭା ମାଧ୍ୟମରେ ନବୀନ ସରକାରଙ୍କ ବିଭିନ୍ନ ଲୋକାଭିମୁଖି ଯୋଜନା ଓ ବିକାଶମୂଳକ କାର୍ଯ୍ୟକ୍ରମ ସଂପର୍କରେ ଲୋକଙ୍କୁ ଅବଗତ କରାଯାଇଥିଲା। ପ୍ରତ୍ୟେକ ଗ୍ରାମରେ ଯୁବ ଓ ମହିଳା ଗୋଷ୍ଠୀଙ୍କ ପକ୍ଷରୁ ଶ୍ରୀ ମହାରଥୀଙ୍କୁ ଉଚ୍ଛ୍ବସିତ ସମ୍ବର୍ଦ୍ଧନା ଦିଆଯାଇଥିବା ବେଳେ ସେ ସାଧାରଣ ଲୋକଙ୍କ ସମସ୍ୟା ସଂପର୍କରେ ସେମାନଙ୍କଠାରୁ ପଚାରି ବୁଝିଥିଲେ। ଏଥିରେ ଅନ୍ୟମାନଙ୍କ ମଧ୍ୟରେ ଜାଗୃତୀ ପଣ୍ଡା ମହାରଥୀ, ବ୍ଲକ ଉପାଧ୍ୟକ୍ଷ ପ୍ରଫୁଲ୍ଲ ସ୍ୱାଇଁ, ଜିଲା ପରିଷଦ ସଭ୍ୟ ଧରଣୀଧର ସାହୁ, ସୁଶାନ୍ତ କୁମାର ମଲ୍ଲିକ, ପୁରୀ ଜିଲା ଯୁବ ବିଜେଡି ସଭାପତି ନାରାୟଣ ସ୍ୱାଇଁ, ଜିଲା ବିଜେଡି ସାଧାରଣ ସଂପାଦକ କିଶୋର ଛୋଟରାୟ, ପୂର୍ବତନ ସରପଞ୍ଚ ସୁକାନ୍ତ କୁମାର ପଣ୍ଡା, ପୂର୍ବତନ ଜିଲା ପରିଷଦ ସଭ୍ୟ ଦେବାଶିଷ ନନ୍ଦ, ଯୁବନେତା ଆର୍ତ୍ତବନ୍ଧୁ ସାମନ୍ତରାୟ, ମହିଳା ନେତ୍ରୀ କଳ୍ପନା ମିଶ୍ର, ଝୁନାମଣୀ ମଲ୍ଲିକ, ବରିଷ୍ଠ ନେତା ଅଜୟ ମହାନ୍ତି, ହଜାରି ମହାନ୍ତି, ନୀଳକଣ୍ଠ ମିଶ୍ର, ଯୁବନେତା ବିଶ୍ୱଜିତ ଦାଶ, ସୌମ୍ୟରଞ୍ଜନ ମହାପାତ୍ର ପ୍ରମୁଖ ଉପସ୍ଥିତ ଥିଲେ।
Comments are closed.