ଲକ୍ଷ୍ମୀପୁର : ଲକ୍ଷ୍ମୀପୁର ବ୍ଲକରେ ଝାଡାବାନ୍ତି ଲାଗିଥିବା ବେଳେ ଏଥିରେ ୪ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। ସେହିପରି ତିନି ଜଣ ଆକ୍ରାନ୍ତ ହୋଇଥିବା ଜଣାପଡିଛି। ଏହି ବ୍ଲକର ଓଡିଆପେଣ୍ଠ ପଞ୍ଚାୟତର ବିରିଗୁଡା ଗ୍ରାମରେ ଏହି ଭଳି ୫ ଜଣଙ୍କ ମୃତ୍ୟୁ ହୋଇଛି।
ମୃତ୍ୟୁ ଘଟିଥିବା ବ୍ୟକ୍ତି ମାନେ ହେଲେ ସିଙ୍ଗାରୀ ମାଣ୍ଡିଙ୍ଗା, ଲିମ୍ବେ ମାଣ୍ଡିଙ୍ଗା, ସେକୁରୁ ମାଣ୍ଡିଙ୍ଗା ଓ ସରୋଜିନୀ ମାଣ୍ଡିଙ୍ଗା ବୋଲି ଜଣାପଡ଼ିଛି । ସେହିପରି ଅନ୍ୟ ୩ ଜଣ ସୁଆଇ, ବୃନ୍ଦା, ଜୁଗୁ ମାଣ୍ଡିଙ୍ଗା ଆକ୍ରାନ୍ତ ଥିବା ଜଣାପଡ଼ିଛି। ଏନେଇ ରମେଶ ମାଣ୍ଡିଙ୍ଗା ଅଭିଯୋଗ କରିବା ସହିତ କୌଣସି ସ୍ବାସ୍ଥ୍ୟକର୍ମୀ ଗ୍ରାମକୁ ଯାଇ ନଥିବା କହିଛନ୍ତି ।
ତେବେ ସରୋଜିନୀ ଗ୍ରାମରୁ ଆକ୍ରାନ୍ତ ହୋଇ କାଶୀପୁର ବ୍ଲକର ମସୁରୀ ପଦର ଗ୍ରାମରେ ଯାଇ ମୃତ୍ୟୁ ବରଣ କରିଥିବା ଜଣା ପଡିଛି । ସୂଚନାଯୋଗ୍ୟ ଏହିକି ଯେ ଗତ ବର୍ଷ ମଧ୍ୟ ପଡୋଶୀ କାଶୀପୁର, ଦଶମନ୍ତପୁର ବ୍ଲକ ସହିତ ଲକ୍ଷ୍ମୀପୁର ବ୍ଲକରେ ମଧ୍ୟ ଝାଡାବାନ୍ତି ଲାଗିଥିବା ବେଳେ ଅନେକ ଲୋକଙ୍କ ମୃତ୍ୟୁ ହୋଇଥିଲା। ଏବର୍ଷ ଦଶମନ୍ତପୁର ବ୍ଲକରେ ଝାଡାବାନ୍ତି ରୋଗ ଆରମ୍ଭ ହୋଇଥିଲା ବେଳେ ଲକ୍ଷ୍ମୀପୁର ବ୍ଲକରେ ମଧ୍ୟ ଏହା ଆରମ୍ଭ ହୋଇଛି।ଏହା ମହାମାରୀ ରୂପ ନେବା ପୂର୍ବରୁ ସ୍ବାସ୍ଥ୍ୟ ବିଭାଗ ସଚେତନ ହେବା ଆବଶ୍ୟକ ହୋଇ ପଡିଛି ।
ଲକ୍ଷ୍ମୀପୁର ବ୍ଲକରେ ଝାଡାବାନ୍ତି, ଦୁଇ ସପ୍ତାହ ମଧ୍ୟରେ ୪ ଜଣଙ୍କ ମୃତ୍ୟୁ : ୩ ଆକ୍ରାନ୍ତ
Popular Categories
Previous article
Next article