ଷ୍ଟେସନ ପରିଚାଳକଙ୍କ ଜରିଆରେ ରେଳମନ୍ତ୍ରୀ ଓ ବିଭାଗୀୟ ଅଧିକାରୀଙ୍କୁ ଦାବିପତ୍ର

ଗୁରୁଡିଝାଟିଆ : ୬ଗାଁ ରେଳ ଲେବୁଲ କ୍ରସିଂ ନିକଟରେ ନିର୍ମିତ ହୋଇଥିବା ରେଳଗଳା ପୋଲରେ ଅସରାଏ ବର୍ଷାରେ ୪ଫୁଟର ପାଣି ଜମି ରହୁଥିବାରୁ ଗୋବରା ପଞ୍ଚାୟତର ୧୨ଟି ଗାଁର ଜନସାଧାରଣ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ବିଦ୍ୟାର୍ଥୀମାନେ ଓ ରୋଗୀମାନେ ଅତି ଜଟିଳ ପରିସ୍ଥିତିର ସମ୍ମୁଖିନ ହେବା ସହିତ ବାଧ୍ୟ ହୋଇ ୫କିମି ବୁଲିକି ନିଜ ଗାଁକୁ ଯାତାୟାତ କରୁଛନ୍ତି । ରେଳ ବିଭାଗର ତୃଟିପୂର୍ଣ୍ଣ ନିର୍ମାଣ ଶୈଳୀ ପାଇଁ ରେଳ ଗଳାପୋଲରୁ ବର୍ଷାଜଳ ନିଷ୍କାସିତ ହୋଇପାରୁନାହିଁ। ଏ ସଂର୍ପକରେ ଜନସାଧାରଣଙ୍କ ଅସୁବିଧା ବିଷୟରେ ‘ସମାଜ’ରେ ଖବର ପ୍ରକାଶ ପରେ ଆଜି ଗୋବରା ପଞ୍ଚାୟତ ସହିତ ପାଖ ପଞ୍ଚାୟତର ଶତାଧିକ ଜନସାଧାରଣ ଲିଖିତ ଭାବେ ରେଳମନ୍ତ୍ରୀ , ବିଭାଗୀୟ ଅଧିକାରୀଙ୍କୁ ଛଅଗାଁ ଠାରେ ଥିବା ଗୁରୁଡିଝାଟିଆ ରେଳଷ୍ଟେନର ପରିଚାଳକଙ୍କ ଜରିଆରେ ଦାବିପତ୍ର ପ୍ରଦାନ କରିଛନ୍ତି । ପ୍ରକାଶ ଯୋଗ୍ୟ ଗୋବରା, ଗୋବରା ଶାସନ, ଭଗବାନପୁର, ଖାକ୍ସା, ମହୁରିଆ, ବନଖମଣ, ଦଣ୍ଡାପଡିଆ, ତାଳପଡିଆ ସହିତ ଏକାଧିକ ଗାଁର ଜନସାଧରଣ ସରକାରୀ କାର୍ଯ୍ୟ, ଡାକ୍ତରଖାନା ଓ ଶିକ୍ଷାନୁଷ୍ଠାନକୁ ଯିବାକୁ ଘୋର ଅସୁବିଧାର ସମ୍ମୁଖିନ ହେଉଛନ୍ତି।