କାମାକ୍ଷାନଗର: ମଠକରଗୋଳା ମହାବିଦ୍ୟାଳୟ ସମ୍ମିଳନୀ କକ୍ଷରେ ଯୋଗ୍ୟ ଏବଂ ପ୍ରତ୍ୟାଶୀ ଭୋଟରମାନଙ୍କ ନିମନ୍ତେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟ ଏବଂ କାମାକ୍ଷାନଗର ଉପଖଣ୍ଡ ପ୍ରଶାସନ ମିଳିତ ଆନୁକୂଲ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକ ମୁଖ୍ୟ ଅତିଥି ଏବଂ ସହ ଜିଲ୍ଲାପାଳ ଶ୍ରୀ ଦୀପକ କୁମାର ମିଶ୍ର ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ। ଉପଜିଲ୍ଲାପାଳ ଶ୍ରୀ ନାୟକ ଭୋଟର ତାଲିକାରେ ନାମ ପଞ୍ଜିକରଣ, ସଂଶୋଧନ ଓ ବିଲୋପନ ସଂପର୍କରେ ବ୍ୟାଖ୍ୟା କରିଥିଲେ । ଯେପରି ସମସ୍ତ ଯୋଗ୍ୟ ଓ ଭାବୀ ଭୋଟରଙ୍କର ନାମ ପଞ୍ଜିକରଣ ହୁଏ ସେଥିପ୍ରତି ଯତ୍ନବାନ ହେବାକୁ ପରାମର୍ଶ ଦେଇଥିଲେ। ମୁଖ୍ୟ ବକ୍ତା ଶ୍ରୀ ମିଶ୍ର ଦୃଶ୍ୟ ଶ୍ରାବ୍ୟ ଯନ୍ତ୍ର ମାଧ୍ୟମରେ ନାମ ପଞ୍ଜିକରଣର ସରଳ ଉପାୟମାନ ଅବତାରଣା କରିଥିଲେ। ମୋବାଇଲ ଫୋନ ଦ୍ଵାରା କିପରି ନିଜର ନାମ ତାଲିକାଭୁକ୍ତ କରାଯାଇପାରିବ ତାହା ଛାତ୍ରଛାତ୍ରୀମାନଙ୍କୁ ବୁଝାଇ ଥିଲେ। କାର୍ୟ୍ୟକ୍ରମ ରେ ସଭାପତିତ୍ଵ କରି ମହାବିଦ୍ୟାଳୟର ଅଧ୍ୟକ୍ଷ ଚିତ୍ତରଞ୍ଜନ ଦାଶ ଗଣତନ୍ତ୍ରକୁ ସୁଦୃଢ଼ କରିବାରେ ଭୋଟର ମାନଙ୍କ ସଚେତନତା ଅବଶ୍ୟମ୍ଭାବୀ ବୋଲି ମତବ୍ୟକ୍ତ କରିଥିଲେ। ଜାତୀୟ ସେବା ଯୋଜନା ଅଧିକାରୀ ଅଧ୍ୟାପକ ସୋମନାଥ ପଣ୍ଡା ପ୍ରାରମ୍ଭିକ ସୂଚନା ପ୍ରଦାନ କରିଥିଲେ। ଅଧ୍ୟାପିକା ସ୍ଵପ୍ନିତା ରାଉତ, ଅଧ୍ୟାପକ କୈଳାସ ଚନ୍ଦ୍ର ପାତ୍ର, ଅଧ୍ୟାପିକା ଶ୍ରଦ୍ଧାଞ୍ଜଳି ସ୍ଵାଇଁ, ଶୁଭସ୍ମିତା ବିଶ୍ଵାଳ, ଅର୍ଚ୍ଚିତା ମହାମାନସିଂ, ଫକୀରମୋହନ ଲେଙ୍କା ଓ ରଶ୍ମିରଞ୍ଜନ ମହାପାତ୍ର ପ୍ରମୁଖ ସ୍ଵମତ ପୋଷଣ କରିବା ସହ କାର୍ଯ୍ୟକ୍ରମରେ ସହାୟତା ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ ଯୋଗ୍ୟ ଏବଂ ପ୍ରତ୍ୟାଶି ଛାତ୍ରଛାତ୍ରୀ ଭୋଟର ଯୋଗ ଦେଇଥିଲେ। ପରିଶେଷରେ ଅଧ୍ୟାପକ ପ୍ରଶାନ୍ତ କୁମାର ମିଶ୍ର ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article