ଗୋପାଳପୁର: ଆନ୍ତର୍ଜାତୀୟ ବେଳାଭୂମି ସ୍ବଚ୍ଛତା ଦିବସ ପାଳନ ଅବସରରେ ବ୍ରହ୍ମପୁର ବିଶ୍ବବିଦ୍ୟାଳୟ ଏନଏସଏସ ବ୍ୟୁରୋ ପକ୍ଷରୁ ଗୋପାଳପୁର ବେଳାଭୂମିରେ ସଫେଇ ଅଭିଯାନ ଅନୁଷ୍ଠିତ ହୋଇଯାଇଛି। କୁଳପତି ପ୍ରଫେସର ଗୀତାଞ୍ଜଳୀ ଦାଶ ମୁଖ୍ୟ ଅତିଥିଭାବେ ଯୋଗ ଦେଇ ସଫେଇ ଅଭିଯାନକୁ ଆରମ୍ଭ କରିଥିଲେ। ଏଥିରେ ଏନଏସଏସ ବ୍ୟୁରୋ ଅଧିନରେ ଥିବା ୧୨ଟି କଲେଜରୁ ୧୫୦ ଜଣ ସ୍ବେଚ୍ଛାସେବୀ ଯୋଗ ଦେଇଥିଲେ। ଜନସାଧାରଣ ତଥା ଗୋପାଳପୁର ବୁଲିବାକୁ ଆସୁଥିବା ପର୍ଯ୍ୟଟକଙ୍କ ମଧ୍ୟରେ ସଚେଚନତା ସୃଷ୍ଟି କରିବା ଉଦ୍ଦେଶ୍ୟରେ ସ୍ବେଚ୍ଛାସେବୀମାନେ ବିଭିନ୍ନ ସ୍ଲୋଗାନ ଦେଇ ଗୋପାଳପୁର ବସଷ୍ଟାଣ୍ଡରୁ ଏକ ବିରାଟ ରାଲିରେ ବାହାରି ସହର ପରିକ୍ରମା କରିବା ପରେ ଗୋପାଳପୁର ବେଳାଭୁମିରେ ପହଞ୍ଚିଥିଲେ। ବସଷ୍ଟାଣ୍ଡ ଠାରେ କୁଳପତି ପ୍ରଫେସର ଗୀତାଞ୍ଜଳୀ ଦାଶ ପତାକା ଦେଖାଇ ଏହି ରାଲିକୁ ଶୁଭାରମ୍ଭ କରିଥିଲେ। ଏହାପରେ ଏନଏସଏସ ସ୍ବଚ୍ଛାସେବୀମାନେ ବେଳାଭୂମିକୁ ସଫା ରଖିବା ପାଇଁ ମିଳିତ ଭାବେ ଶପଥ ପାଠ କରିଥିଲେ। ଏନଏସଏସ ବ୍ୟୁରୋ ସଂଯୋଜକ ଡକ୍ଟର ଜୟନ୍ତ କୁମାର ପଣ୍ଜାଙ୍କ ତତ୍ତ୍ବବଧାନରେ ଗୋପାଳପୁର ଉପକୁଳର ପ୍ରାୟ ଦୁଇ କିଲୋମିଟର ଲମ୍ବା ବେଳାଭୁମିକୁ ପ୍ଲାଷ୍ଟିକ ମୁକ୍ତ ତଥା ଅନ୍ୟାନ୍ୟ ଆବର୍ଜନା ସଫା କରିବା ପାଇଁ ସଫେଇ ଅଭିଯାନ ଆରମ୍ଭ ହୋଇଥିଲା।
Popular Categories
Previous article
Next article