କମାକ୍ଷାନଗର: କାମାକ୍ଷାନଗର ଥାନା ଅନ୍ତର୍ଗତ ମହୁଲପାଳ ନିକଟବର୍ତ୍ତୀ ଗୋଲକ ଗ୍ୟାସ ଏଜେନ୍ସିର ଗୋଦାମ ପରିସରରୁ ବନ୍ଧୁକ ଓ ଭୁଜାଲି ଦେଖାଇ ଜଣେ କର୍ମଚାରଙ୍କଠୁ ୩୨ ହଜାର ଟଙ୍କା ଲୁଟି ନେଇଛନ୍ତି ୨ ଦୁର୍ବୃତ୍ତ। ମହୁଲପାଳ ସ୍ଥିତ ଗୋଲକ ଗ୍ୟାସ ଏଜେନ୍ସିର ଗୋଦାମ ଘରୁ ୨ ଦୁର୍ବୃତ୍ତ ବନ୍ଧୁକ ଓ ଖଣ୍ଡା ଦେଖାଇ ଭୟଭୀତ କରିବା ସହ କର୍ମଚାରୀ ବସନ୍ତ ବେହେରାଙ୍କଠାରୁ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି। ୨ ଦୁର୍ବୃତ୍ତ ଏକ ବାଇକରେ ଆସି ମୁହଁରେ ମୁଖା ଓ ହେଲମେଟ ପିନ୍ଧି କର୍ମଚାରୀ ବସନ୍ତଙ୍କ ପାଖକୁ ଯିବା ସହ ବନ୍ଧୁକ ଦେଖାଇ ସେ ବ୍ୟାଗରେ ରଖିଥିବା ଟଙ୍କା ମାଗିଥିଲେ। ଏଥି ସହ ଭୟଭୀତ କରି ତାଙ୍କଠାରୁ ଟଙ୍କା ନେଇ ଢେଙ୍କାନାଳ ଆଡକୁ ପଳାଇଥିଲେ। ତେବେ କର୍ମଚାରୀ ଜଣଙ୍କ ଏଜେନ୍ସି ମାଲିକଙ୍କୁ ଏ ବିଷୟରେ ଜଣାଇବା ସହ କାମାକ୍ଷାନଗର ଥାନାରେ ଲିଖିତ ଅଭିଯୋଗ ହୋଇଛି। ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
Popular Categories
Previous article
Next article