ନୂଆଦିଲ୍ଲୀ : ଭାରତ ଆଜି ପ୍ରଥମ ସି-୨୯୫ ଏମଡବ୍ଲ୍ୟୁ ପରିବହନ ବିମାନ ଗ୍ରହଣ କରିଛି। ବିମାନ ବାହିନୀ ମୁଖ୍ୟ ମାର୍ଶାଲ୍ ଭି.ଆର୍. ଚୌଧୁରୀ, ସ୍ପେନ୍ର ସେବିଲ୍ ଠାରେସି-୨୯୫ ଏମଡବ୍ଲ୍ୟୁ ପରିବହନ ବିମାନ ହସ୍ତାନ୍ତର କାର୍ଯ୍ୟକ୍ରମରେ ଆଜି ଅଂଶ ଗ୍ରହଣ କରିଛନ୍ତି। ଭାରତୀୟ ବିମାନ ବାହିନୀ କହିଛି ଏୟାର ବସ୍ ଦ୍ୱାରା ଆନୁଷ୍ଠାନିକ ଭାବେ ଏହି ବିମାନକୁ ବୁଧବାର ଭାରତୀୟ ବିମାନ ବାହିନୀକୁ ହସ୍ତାନ୍ତର କରାଯାଇଛି।
ଭାରତ ୫୬ଟି ଏୟାର ବସ୍ ସି-୨୯୫ ଏମଡବ୍ଲ୍ୟୁ ବିମାନ ସ୍ପେନ୍ ଠାରୁ ସଂଗ୍ରହ କରିବ। ସେଗୁଡ଼ିକ ବିମାନ ବାହିନୀର ଏଭିଆରଓ ସ୍ଥାନରେ ବିମାନ ବାହିନୀରେ ଅନ୍ତର୍ଭୁକ୍ତ ହେବ। ରାଜିନାମା ଅନୁସାରେ ଏୟାର ବସ୍ ପ୍ରଥମେ ୧୬ଟି ବିମାନ ହସ୍ତାନ୍ତର କରିବ। ସେହି ବିମାନ ଗୁଡ଼ିକ ସେବିଲ୍ ରୁ ସଂପୂର୍ଣ୍ଣ ପ୍ରସ୍ତୁତ ହୋଇ ଆସିବ। ଅବଶିଷ୍ଟ ୪୦ଟି ବିମାନକୁ ଟାଟା ଆଡ୍ଭାନ୍ସଡ୍ ସିଷ୍ଟମ୍ ଦ୍ୱାରା ଭାରତରେ ଉତ୍ପାଦନ ଓ ସଂଯୋଗ କରାଯିବ। ଏଥିପାଇଁ ୨ ଦେଶ ମଧ୍ୟରେ ରାଜିନାମା ସ୍ୱାକ୍ଷରିତ ହୋଇଥିଲା ।
