ହରଭଙ୍ଗା : ହରଭଙ୍ଗା ବ୍ଲକ ଆଂଚଳିକ କଳାକାର ସଂଘ ପକ୍ଷରୁ ସଂଘର ବିଭିନ୍ନ ଅନିୟମିତତା କୁନେଇ ୫ଦଫା ସମ୍ବଳିତ ଅଭିଯୋଗ ପତ୍ର ସୋମବାର ହରଭଙ୍ଗା ବ୍ଲକ କାର୍ଯ୍ୟଳୟରେ ଅନୁଷ୍ଠିତ ଜିଲ୍ଲାପାଳଙ୍କ ଅଭିଯୋଗ ଶୁଣାଣିରେ ବୌଦ୍ଧ ଜିଲ୍ଲାପାଳଙ୍କୁ ପ୍ରଦାନ କରାଯାଇଛି। ଦୀର୍ଘ ୧୨ ବର୍ଷ ହେବ ବ୍ଲକରେ କଳାକାର ସଂଘ ଗଠନ ହୋଇ କାର୍ଯ୍ୟକାରୀ ହୋଇ ଆସୁଥିଲେ ସୁଦ୍ଧା ସଂଘ ମଧ୍ୟରେ ବିଭିନ୍ନ ସମସ୍ୟା ଏବଂ ଅନିୟମିତତା ହୋଇ ଆସୁଛି । ଉପ ସଭାପତିଙ୍କ କାର୍ଯ୍ୟକାଳ ତିନି ବର୍ଷ ରହିଥିବା ବେଳେ ଦୀର୍ଘ ବର୍ଷ ହେବ ସଂଘରେ ନିର୍ବାଚନ ହୋଇନାହିଁ । ତୁରନ୍ତ ନିର୍ବାଚନ ପାଇଁ କର୍ମକର୍ତ୍ତା ଦାବି ରଖିଛନ୍ତି । ଗ୍ରାମାଂଚଳ ମାନଙ୍କରେ ଆବାହମାନ କାଳରୁ ଥିବା କଳାକାର କୋଠା ଘର ମାନଙ୍କର ସ୍ଥାୟୀ ପଟ୍ଟା ପ୍ରଦାନ, ପତ୍ୟେକ କଳାକାର ସଂଘ ମାନଙ୍କୁ ବିଭିନ୍ନ ବାଦ୍ୟ ଯନ୍ତ୍ର ଏବଂ ପୋଷାକ ବିନାମୂଲ୍ୟରେ ଯୋଗାଇ ଦେବା, ହରଭଙ୍ଗା ବ୍ଲକରେ ଏକ କଳାକର ଭବନ ନିର୍ମାଣ ଭଳି ୫ଦଫା ଅଭିଯୋଗ ପତ୍ର ଜିଲ୍ଲପାଳଙ୍କୁ ଦିଆଯାଇଛି। ଏହି ଅଭିଯୋଗ ପତ୍ର ପ୍ରଦାନ ସମୟରେ ବ୍ଲକ କଳାକାର ସଂଘ ସମ୍ପାଦକ ଅର୍ଜ୍ଜୁନ ଭୋକ୍ତାଙ୍କ ସହ ବହୁ ସଂଘ କର୍ମକର୍ତ୍ତା ସାମିଲ ଥିଲେ।
Popular Categories
Previous article
Next article