ପାଟଣା : ପାଟଣା ବନାଞ୍ଚଳ ଅନ୍ତର୍ଗତ ରେଙ୍ଗାଳବେଡା ଜଙ୍ଗଲରେ ୨୨ ଘରିଆ ହାତୀପଲ ଡେରା ପକାଇ ଥିବାବେଳେ ଗତ ଶୁକ୍ରବାର ଅପରାହ୍ନରେ ଜଙ୍ଗଲ ନିକଟରେ ଥିବା ଚାଷ ବିଲକୁ ଯାଇଥିବା ବେଳେ କଟାବେଡା ଗ୍ରାମର କ୍ଷୀରୋଦ ମହାନ୍ତ(୫୩)ଙ୍କୁ ଏକ ଦନ୍ତା ହାତୀ ଶୁଣ୍ଢରେ ଟେକି କଚାଡି ଦେଇଥିଲା । ଗୁରୁତର କ୍ଷୀରୋଦଙ୍କୁ ପାଟଣା ଡାକ୍ତରଖାନା ଅଣାଯାଇଥିବା ସମୟରେ ସେ ରାସ୍ତାରେ ମୃତ୍ୟୁ ବରଣ କରିଥିଲେ । ରବିବାର ବନବିଭାଗ ପକ୍ଷରୁ ମୃତକଙ୍କ ପରିବାରକୁ କ୍ଷୀରୋଦଙ୍କ ଶୁଦ୍ଧିକ୍ରିୟା ପାଇଁ ସହାୟତା ପ୍ରଦାନ କରାଯାଇଛି । ବନପାଳ ଭୂପତି ସେଠୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ସହାୟତା ପ୍ରଦାନ କାର୍ଯ୍ୟକ୍ରମରେ ଜିଲ୍ଲା ପରିଷଦ ସଭ୍ୟ ବୁଦ୍ଧଦେବ ମହାକୁଡ଼, ପାଟଣା ବନାଞ୍ଚଳ ଅଧିକାରୀ ବନବିହାରୀ ସର୍ଦ୍ଦାର, ଉପ ବନାଞ୍ଚଳ ଅଧିକାରୀ ଅମୁଲ୍ୟ କୁମାର ସେନାପତି, ସ୍ଥାନୀୟ ୱାର୍ଡ ମେମ୍ବର ଗୋପୀନାଥ ମୁଣ୍ଡା ଓ ସୋମବାରି ମୁଣ୍ଡା ପ୍ରମୁଖ କଟାବେଡା ଗ୍ରାମରେ ଉପସ୍ଥିତ ରହି ମୃତକଙ୍କ ପତ୍ନୀ ସୁକୁମାରୀ ମହାନ୍ତଙ୍କୁ ଶୁଦ୍ଧିକ୍ରିୟା ସହାୟତା ବାବଦକୁ ୬୦ ହଜାର ଟଙ୍କା ପ୍ରଦାନ କରିଛନ୍ତି ।
Comments are closed.