କଣ୍ଟାବାଞ୍ଜି : ଦୀର୍ଘ ବର୍ଷରୁ ବନ୍ଦ ପଡ଼ିଥିବା ପ୍ରଧାନମନ୍ତ୍ରୀ ସଡ଼କ କାମ ଇତି ମଧ୍ୟରେ ଆରମ୍ଭ ହୋଇଯାଇଛି। ସୂଚନା ଅନୁସାରେ, ଆମ ଆଦମୀ ପାର୍ଟି କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ସଭାପତି ସୁରଥ ବେହେରାଙ୍କୁ ତୁରେକେଲା ବ୍ଲକ ଢୋଲମାଂଦଲ ପଞ୍ଚାୟତର ଜନସାଧାରଣ ବାହାବଲରୁ ଢୋଲମାଂଦଲ ପ୍ରାୟ ୩ କିଲୋମିଟର ରାସ୍ତା କୌଣସି କାରଣରୁ ପ୍ରଧାନମନ୍ତ୍ରୀ ସଡ଼କ କାମ ବନ୍ଦ ହୋଇଯାଇଛି ବୋଲି କହିଥିଲେ। ଫଳରେ ଏ ଅଞ୍ଚଳର ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିଲେ। ଯେହେତୁ ଏହି ପଞ୍ଚାୟତକୁ ଗମନାଗମନର ବିଶେଷ ସୁବିଧା ନାହିଁ, ତେଣୁ ଉକ୍ତ ରାସ୍ତା କାମଟି ସମ୍ପୂର୍ଣ୍ଣ ହେଲେ ଏହି ଗାଁକୁ ଛାତ୍ରଛାତ୍ରୀ ପାଠପଢିବା ଆସୁଥିବା ବେଳେ ଯେଉଁ ଅସୁବିଧାର ସମ୍ମୁଖୀନ ହେଉଛନ୍ତି ତାହା ଦୂର ହେବା ସହ ଲୋକେ ସୁବିଧାରେ ଯାତାୟତ କରିପାରନ୍ତେ ବୋଲି ଲୋକେ କହିଛନ୍ତି। ଏ ବାବଦରେ ଆପ୍ ନେତା ଶ୍ରୀ ବେହେରା ରାଜ୍ୟ ସରକାର ଏବଂ କେନ୍ଦ୍ର ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ। ପରେ ବଲାଙ୍ଗୀର ଜିଲ୍ଲାପାଳ ଢୋଲମାଂଦଲ ଗସ୍ତ କରି କାମ ଆରମ୍ଭ କରିବା ପାଇଁ ନିର୍ଦ୍ଦେଶ ଦେଇଥିବାରୁ ଏବେ କାମ ଆରମ୍ଭ ହୋଇଛି ବୋଲି ଢୋଲମାଂଦଲ ପଞ୍ଚାୟତର ପୂର୍ବତନ ସରପଞ୍ଚ ବିଶ୍ଵାମିତ୍ର ଛତ୍ରିଆଙ୍କ ସହ ମହେଶ୍ଵର ଧାରୁଆ, ଅନନ୍ତ ରାମ ବନଛୋର, କ୍ଷୀରୋଦ ଧାରୁଆ, ଅଙ୍ଗିରା ବାଘ, ଦିବନା ଧାରୁଆ, ବରିଷ୍ଠ ଆପ ନେତା ହାଡ଼ୁ ଛତ୍ରିଆ ପ୍ରମୁଖ କହିଛନ୍ତି।
Popular Categories
Previous article
Next article