ଚୌଦ୍ୱାର: ଚୌଦ୍ୱାର ପୌରପାଳିକା ୮ନମ୍ବର ୱାର୍ଡ଼ସ୍ଥିତ ବ୍ୟାଘ୍ରବାହିନୀ ମନ୍ଦିର ପାଖରେ ଥିବା ଅବକାରୀ ବିଭାଗ କାର୍ଯ୍ୟାଳୟର ନିର୍ମାଣାଧୀନ ଗୋଦାମ ଘର ବାରଣ୍ଡାରୁ ଜନୈକ ବ୍ୟକ୍ତିଙ୍କ ମୃତ ଦେହକୁ ଚୌଦ୍ୱାର ପୁଲିସ ଉଦ୍ଧାର କରିଛି। ମୃତକ ଜଣକ ହେଲେ ପୌରପାଳିକା ୮ନଂ ୱାର୍ଡର ସୁନାରାମ ହେମ୍ବ୍ରମ (୬୮)। ପ୍ରାପ୍ତ ସୂଚନା ଅନୁଯାୟୀ ସୁନାରାମ ପ୍ରତିଦିନ ପରି ସୋମବାର ରାତିରେ ସ୍ଥାନୀୟ ବ୍ୟାଘ୍ରବାହିନୀ ମନ୍ଦିର ପାଖରେ ଥିବା ଅବକାରୀ ବିଭାଗ କାର୍ଯ୍ୟାଳୟର ନିର୍ମାଣ ହେଉଥିବା ନୁତନ ଗୋଦାମ ଘରର ବାରଣ୍ଡାରେ ଶୋଇଥିଲେ। ହେଲେ ମଙ୍ଗଳବାର ସକାଳୁ ସେ ମରି ପଡ଼ିଥିବା ଏବଂ ତାଙ୍କ ମୁଣ୍ଡରେ କ୍ଷତ ହୋଇ ପ୍ରବଳ ରକ୍ତସ୍ରାବ ହୋଇଥିବା ସୁନାରାମଙ୍କ ପୁଅ ରାଜୁ ଖବର ପାଇଥିଲେ। ରାଜୁ ଓ ସାହି ଲୋକେ ଘଟଣାସ୍ଥଳରେ ପହଞ୍ଚି ପୁଲିସକୁ ଖବର ଦେଇଥିଲେ। ଖବରପାଇ ଜୋନ୧ ଏସିପି ଅରୁଣ ସ୍ୱାଇଁ ଓ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ଖୋଳତାଡ଼ ଆରମ୍ଭ କରିଥିଲେ। ତେବେ ସୁନାରାମଙ୍କୁ କେହି ହତ୍ୟା କରିଥିବା ସୁନାରାମଙ୍କ ଝିଅ ଟୁନୀ ବିରୁଆ ଥାନାରେ ଲିଖିତ ଅଭିଯୋଗ କରିଛନ୍ତି। ପୁଲିସ ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ କଟକ ବଡ ଡାକ୍ତରଖାନା ପଠାଇବା ସହିତ ସାଇନଟିଫିକ ଟିମର ସହାୟତାରେ ଘଟଣାର ଅଧିକ ତଦନ୍ତ ଜାରୀ ରଖିଛି।
Popular Categories
Previous article
Next article