ଲଡୁଗାଁ : କୋକସରା ଥାନା ଟେମରା ପଞ୍ଚାୟତ ସିର୍ଲିଗୁଡା ଗାଁରେ ହେବାକୁ ଥିବା ଗଣେଶ ପୂଜା କରିବା ପ୍ରତିବାଦରେ ନବ ତୁମୁଳକାଣ୍ଡ ଭିଆଇଛି। ନବର ଛୁରାମାଡ଼ରେ ଗ୍ରାମର ଅନ୍ୟ ଜଣେ ଯୁବକ ତରୁଣ ମାଝୀ (୪୫ ) ଗୁରୁତର ହୋଇଥିଲେ। ସୂଚନା ଯୋଗ୍ୟ ଯେ ଗ୍ରାମରେ ଗଣେଶ ପୂଜା ନିମନ୍ତେ ଉକ୍ତ ଗ୍ରାମର ଯୁବକମାନେ ଏକ ପ୍ରସ୍ତୁତି ବୈଠକ ଆୟୋଜନ କରୁଥିଲେ। ଅପରପକ୍ଷେ ନବ ଚନ୍ଦନ (୨୦) ନାମକ ଜଣେ ଯୁବକ ଏହାକୁ ବାରମ୍ବାର ବିରୋଧ କରି ଆସୁଥିଲା। ପୂଜା କରାଇ ଦେବ ନାହିଁ ବୋଲି ଗଣ୍ଡଗୋଳ କରୁଥିବା ଦେଖି ପୂଜା କମିଟି ସଦସ୍ୟ ମାନେ ଥାନାରେ ଅଭିଯୋଗ କରିବାକୁ ଯାଇ ଫେରିବା ସମୟରେ ଆକ୍ରୋଶ ମୂଳକ ଭାବେ ଛୁରୀରେ ଅତର୍କିତ ଆକ୍ରମଣ କରି ଲହୁଲୁହାଣ କରିଦେଇଥିଲା। ଗୁରୁତର ଅବସ୍ଥାରେ ତାଙ୍କୁ କୋକସରା ଡାକ୍ତରଖାନା ପରେ ଜିଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ଏହି ଘଟଣାର ଅଭିଯୋଗ ପରେ କୋକସରା ଥାନା କେଶ ନମ୍ବର ୨୨୨/୨୩ ରେ ଏକ ମାମଲା ରୁଜୁ ହୋଇଥିବା ବେଳେ ପୋଲିସ ତାକୁ ଗିରଫ କରି ବୁଧବାର ଧାରା ୩୨୪, ୩୨୬, ୫୦୬, ୩୦୭ ଅନୁଯାୟୀ କୋର୍ଟ ଚାଲାଣ କରିଥିବା ନେଇ ତଦନ୍ତକାରୀ ପୋଲିସ ଅଧିକାରୀ ଗୋପବନ୍ଧୁ ନାଏକ ସୂଚନା ଦେଇଛନ୍ତି।
Popular Categories
Previous article
Next article