ଡେସ୍କ: ସାରା ଦେଶରେ ସମ୍ଭାବ୍ୟ ବନ୍ୟା ଉପରେ ଦୃଷ୍ଟି ରଖିବା ଲାଗି ଏକ ନୂଆ ମୋବାଇଲ ଆପ ଲୋକାର୍ପଣ କରାଯାଇଛି। ଏହି ମୋବାଇଲ ଆପ ହେଉଛି ‘ଫ୍ଲଡୱାଚ’ (FloodWatch)। ଏହି ମୋବାଇଲ ଆପ ମାଧ୍ୟମରେ ବନ୍ୟାର ବାସ୍ତବ ସ୍ଥିତି ଏବଂ ପରବର୍ତ୍ତୀ ୭ ଦିନ ପର୍ଯ୍ୟନ୍ତ ସମ୍ଭାବ୍ୟ ଫଳାଫଳର ସୂଚନା ମିଳିପାରିବ। କେନ୍ଦ୍ରୀୟ ଜଳ ଆୟୋଗର ଅଧ୍ୟକ୍ଷ କୁଶବିନ୍ଦର ବୋହରା ଆଜି ନୂଆଦିଲ୍ଲୀରେ ଏହି ଆପର ଶୁଭାରମ୍ଭ କରିଛନ୍ତି।
ଏହି ଅବସରରେ ଶ୍ରୀ ବୋହରା କହିଛନ୍ତି ଯେ ଏହି ଆପ ମାଧ୍ୟମରେ ସମ୍ଭାବିତ ବନ୍ୟା ସମ୍ପର୍କରେ ସଠିକ ସୂଚନା ମିଳିପାରିବ। ଏଥିରେ ଉପଗ୍ରହରୁ ମିଳୁଥିବା ସୂଚନା ଓ ବାସ୍ତବ ସ୍ଥିତିକୁ ଆଧୁନିକ ଜ୍ଞାନକୌଶଳ ସହାୟତାରେ ବିଶ୍ଳେଷଣ କରାଯାଇ ସୂଚନା ଦିଆଯିବ। ଏହାଦ୍ୱାରା ବନ୍ୟା ଦ୍ୱାରା ହେଉଥିବା ବିତ୍ପାତ କମ କରାଯାଇ ପାରିବ।
- Advertisement -
ଆପଣମାନେ ଏହି ଲିଙ୍କରେ କ୍ଲିକ କରି ଗୁଗୁଲ ପ୍ଲେ ଷ୍ଟୋରରୁ ଡାଉନଲୋଡ଼ କରିପାରିବେ https://play.google.com/store/apps/details?id=in.gov.affcwc
