ଫୁଲବାଣୀ : ବିଭିନ୍ନ ଦାବି ପୁରଣ ନେଇ ପିଇଓ ସଂଘ ପକ୍ଷରୁ ଆଜିଠୁ ସମସ୍ତେ କଳାବ୍ୟାଜ୍ ପରିଧାନ କରିଛନ୍ତି । ଏହି କଳାବ୍ୟାଚ ପରିଧାନ ଆସନ୍ତା ୧୭ ଯାଏ ଚାଲିବ ବୋଲି ସଂଘ ପକ୍ଷରୁ ଅନିଲ କୁମାର ପଟ୍ଟନାୟକ ସୂଚନା ଦେଇଛନ୍ତି । ସେମାନଙ୍କ ଦାବି ମଧ୍ୟରେ ରହିଛି ଚାକିରିର ପ୍ରବେଶ ସମୟରେ ଥିବା ଯୁକ୍ତ ୨ ଯୋଗ୍ୟତା ଉଠାଇ ଯୁକ୍ତ ୩ ପାସ କରାଯିବା, ୨୦୧୭ ଓ ଆରଏସପି ପ୍ରକାରେ ଦରମା ହାର ଲେବେଲ୍ -୫ ୨୧ ହଜାର ୭ ଶହରୁ ଲେବେଲ -୯ ୩୫ ହଜାର ୪ ଶହ କରିବା, ନୂଆ ପଦ ସୃଷ୍ଟି କରିବା ସହ ୧୦ ବର୍ଷରୁ ଊର୍ଦ୍ଧ୍ବ ଚାକିରି କରିଥିବା ପିଇଓଙ୍କୁ ପଦନ୍ନୋତି ଦେବା ଆଦି ଦାବି ଅନ୍ତର୍ଭୁକ୍ତ। ଆସନ୍ତା ୧୭ ସୁଧା ସରକାର ଦାବି ପୂରଣ ନ କଲେ ୧୮ରୁ ସମୂହ ଛୁଟିରେ ରହିବେ ବୋଲି ସଂଘ ସଭାପତି ପଦ୍ମଚରଣ ମହାନ୍ତି କହିଛନ୍ତି। ଏଣୁ ସରକାର ସେମାନଙ୍କ ଦାବିଗୁଡ଼ିକ ସହୃଦୟତାର ସହ ବିଚାର କରିବାକୁ ସଂଘ ଦାବି କରିଛି । ଏନେଇ ପ୍ରତି ବ୍ଲକ ସଂଘ ପକ୍ଷରୁ ବିଡିଓଙ୍କ ଜରିଆରେ ଜିଲାପାଳଙ୍କୁ ସ୍ମାରକ ପତ୍ର ପ୍ରଦାନ କରାଯାଇଛି।
Popular Categories
Previous article
Next article